¡Que semanas tan intensas levamos! Moitos cumples, moitas experiencias diferentes, arte, música, teatro, retos, ioga, ensaios para o Día do Libro... ¡Puff! ¡Non paramos! Pero, aínda que algunhas veces coste centrarse nas actividades, ao final resulta que estamos disfrutando moito con todas estas cousas. O esforzo que poñemos en algo tamén fai que valoremos máis o resultado.
Imos empezar esta entrada cun novo reto que tiveron que resolver os pementeiros. Había que ter memoria de elefante para recordar esta palabra e, despois, investigar na casa.
- ¿Que é o HARMATTAN?
Pois houbo moitos pementeiros e pementeiras que recordaron a palabra, que era bastante difícil, e trouxeron a resposta correcta. ¡Mirade, mirade!
As veces, os retos non teñen que ver dun xeito tan evidente con África. Como estamos escoitando e traballando coa "Frauta máxica", preguntei se alguén sabía en que lugar se desenvolvía a acción que se narra nesa ópera. Foi un reto complicado porque Mozart nnon deixou especificado, así claramente, onde vivían Tamino e Pamina, a Raíña da Noite, Papageno e Papagena ou Sarastro e Monóstatos. Pero na obra hai varias pistas que fan pensar que a historia transcorre en Exipto. Sara trouxo esa información ao cole.
Fai uns días, despois de ler un libro moi bonito titulado "TINTA E GARABATO", propuxen que os pementeiros/as investigaran quen pintara algunha das obras de arte que aparecían nesa historia. Inés investigou sobre esas pinturas e atopou que Andy Warhol pintou algúns retratos con cores intensas como o de Marilyn, e Piet Mondrian sempre empregaba liñas rectas horizontais e verticais nos seus cadros e, despois, pintaba os cadrados inermedios con cores primarias principalmente.
Con Tinta e Garabato, tamén descubrimos a un pintor, chamado Dalí, que plasmou uns reloxios derretidos nun cadro chamado "A persistencia da memoria" e a outro, chamado Monet, que pintou "Nenúfares". Ana, Anxo, Noa, Inés e Mariña trouxeron estas respostas.
E rematamos a semana cunha sesión de ioga na que practicamos dúas posicións novas. Unha delas moi difícil pero, aínda así, algúns dos pementeiros/as conseguiron facela requetebén.
1.- O Bailarín.-
2.- O cisne.-
Para rematar, un pouco de batidora para mover todos os músculos e liberalos de tensións, e un pouco de relax para regresar tranquilos ás nosas casas.
No hay comentarios:
Publicar un comentario