Os pementeiros/as vanse animando a traer os seus adornos para a árbore de Nadal do cole e os seus bos desexos para estas datas, para o ano 2019 e para os anos vindeiros tamén, claro. Cada día vaise enchendo a árbore de infantil coas manualidades, postais e debuxos que todos os nenos e nenas de infantil van traendo.
E aproveito esta entrada para agradecer a todas as familias que están colborando na recollida de alimentos que organizou o centro. Eu falo moito cos nenos/as sobre estas cousas, como debemos axudar a quen ten menos que nos, agradecer a sorte que temos de vivir con tantas comodidades neste primeiro mundo e reflexionar sobre as inxustizas que se viven en moitos lugares a causa das guerras, da pobreza, da falta de recursos, das desigualdades... Para estes peques é complicado compartir así que é importante que vós, desde a familia, lles axudedes a valorar o que teñen e lles ensinedes a dar aos que o necesitan. ¡GRAZAS! Como dixen na entrada da caixa de Pandora, os nenos/as son a esperanza para que este mundo mellore no futuro e a nosa obriga como adultos é mostrarlles a realidade, axudalos a comprendela, promover a reflexión e motivalos para o cambio.
