ONE LOVE, ONE HEART

    Hoxe empezamos a mañán como a min me gusta, con boa música e boas vibracións. E como vin que os pementeiros/as estaban animados, con ganas de cantar e de compartir e de estar xuntos en armonía (que é algo que ás veces me costa conseguir na aula), pois decidín grabalos. Nos vos perdades, por favor, este vídeo porque é fantástico. Dá gusto disfrutar xuntos no cole e empezar a xornada con este ritmo. ¡Xenial, pementeiros/as, así deberíamos empezar cada un dos días que compartimos unhas horas das nosas vidas no cole!

SAÚDO AO SOL

      Onte venres disfrutamos da nosa sesión de ioga habitual dentro do día 100% saudable e tivemos ocasión de practicar unha nova postura ou, mellor dito, unha completa secuencia de posturas: O SAÚDO AO SOL.

     Aos pementeiros/as, en xeral, gustoulles moito practicar toda a secuencia. Primeiro contamos a historia de LORD SURYA e HANUMAN e despois empezamos a facer cada unha das posicións ata, finalmente, facer toda a secuencia sin parar. E, a verdade, algúns nenos e nenas puxeron moito interese en aprender e o resultado foi fantástico. Espero que, unha vez máis, practiquedes o saúdo ao sol en familia coa axuda insustituible, necesaria e fundamental dos vosos fillos/as que actuarán, seguro, como guías e mestres igual que fixo Lord Surya desde o seu carruaxe tirado por sete cabalos de luz co mono Hanuman.

     Hoxe recibimos na aula un simpático monstro de cores que nos trouxo Icía e que vai quedar uns días connosco porque, como estamos falando moito das nosas emocións e tamén lemos contos de monstros, pois Icía pensou que o seu amiguete estaría a gusto por aquí. E Alejandro trouxo unhas fotos da súa visita ao Acuario Finisterrae. Estaba supercontento de mostrarnos todos os peixes que había. ¡Cómo lles gustan aos pementeiros/as os acuarios!

     Antes de marchar fixemos a nsa lista dos BOS RECORDOS da semana. Cada pementeiro/a pode dicir se lle queda algún bo recordo desta semana, algunha actividade ou situación vivida no cole que lle fixo sentir ben, feliz, a gusto... E, tamén, fixemos o XURAMENTO PIRATA que a todos lles entusiasma.

     E aquí vos deixo un vídeo dos nenos e nenas traballadores da Pementeira. ¡Ás veces conseguímolo! Ambiente relaxado, traballo agradable e ben feito e novos coñecementos.¡Qué máis podemos pedir!

¡CANTAS EMOCIÓNS!

   Queda pouco para o Día da Paz e nós seguimos lendo historias diversas que nos fagan reflexionar sobre as cousas que nos fan sentir ben  e as que nos fan sentir mal, sobre como podemos intentar que o mundo no que vivimos sexa mellor e para solucionar os conflictos sen violencia.

  Para empezar a xornada estamos escoitando desde fai uns días a canción de Ringo Starr, "O xardín do polbo", porque nos fai sentir emocións moi positivas (e os pementeiros/as xa empezan a repetir algunhas frases en inglés). É unha canción alegre, animada, que nos mergulla nunha atmósfera de armonía. E hoxe engadimos unha nova canción, porque vai a ser a que se escoite polo cole o Día da Paz, "Imagine" de John Lennon. Como vedes a cousa vai dos Beatles.

    

     Despois de cantar, lemos unha divertida historia sobre uns monstros de cores diferentes que nos ían contando distintas situacións e as emocións que lle ían provocando. Como o libro trae as máscaras dos monstros, pois os pementeiros/as podían coller a máscara e explicarlle ao grupo qué situacións lles fan a eles sentirse alegres, asustados, preocupados, enfadados, amorosos, graciosos...

   Estar "protexidos" polas máscaras monstruosas axuda a contar algún segredo, a falar diante do grupo, a revestir de bo humor algúns sentementos "negativos"...

    Xurdiron algunhas cousas bastantes interesantes. Por exemplo:

1.- ¿Que che fai sentir feliz?

    -Xogar co meu irmán.

    - Que papá me deixe ver a tele.

    - Pintar.

    - Ver a mamá.

    - Contar chistes.

2.- ¿Que che fai sentir triste?

   -Que papá y mamá me castiguen.

   - Que papá no me deje jugar al fútbol.

   - Que me empujen.

3.- ¿Que che fai sentir agarimoso?

   - Que me den bicos.

   - Que me den apertas.

4.- ¿Que che fai estar preocupado?

    - Que mamá e papá marchen sin min.

    - Que mi padre se muera.

    -Que mamá y papá no estén en casa.

5.- ¿Que che fai sentirte gracioso como un pallaso?

    - Saltar muy alto en la colchoneta.

    - Poner una cara graciosa.

    - Facer tonterías.

6.- ¿Que che fai sentirte enfadado?

    - Que me escupan.

    -Que me aplasten.

    - Que me den patadas.

7.- ¿Que che fai sentir medo?

    -Que me den un susto.

    -Cuando escucho un ruído de un murciélago.

    -Cuando escucho el ruído de un fantasma.

   Para os pequenos/as é complicado identificar todas as emocións e poñer exemplos das mesmas, por iso moitas veces repiten a resposta dun compañeiro ou o exemplo do libro. Pero pouco a pouco, na aula estamos intentando identificar diferentes sentementos e tratamos de poñerlle un nome un pouco máis preciso a algunhas emocións porque non podemos reducir as nosas vivencias a "estar contento", "estar triste" e "estar enfadado". Sei que non é fácil pero ¿que vos parece se, entre todos, intentamos empregar máis adxectivos para expresar como nos sentimos e así axudar aos peques a ir coñecéndonos e coñecéndose?. Algunhas popostas poden ser:

    Neste momento estoume sentindo...

                                                             decepcionado/a

                                                              disgustado/a

                                                              cansado/a

                                                              orgulloso/a

                                                              agradecido/a

                                                              emocionado/a

                                                              nervioso/a

                                                              asustado/a

                                                              tranquilo/a

                                                              relaxado/a

                                                              tenso/a

                                                              animado/a

                                                              avergonzado/a

                                                              preocupado/a

                                                              sorprendido/a

                                                              arrepentido/a

                                                              impaciente

      Seguro que a vós se vos ocurren un montón máis de adxectivos.