PREMIOS E TEATRO

Sempre repetimos esa frase que di. "O importante non é gañar, senón participar". É certo, participar fainos sentir ben porque poñemos o noso interese, o noso esforzo e a nosa ilusión nunha actividade e iso é moi importante.

O Equipo de Dinamización e Normalización da Lingua quiso ter un pequeno detalle con todos os nenos e nenas que empregaron a súa ilusión e o seu esforzo participando no concurso de tarxetas e textos de felicitación de Nadal. Por iso lles fixo entrega duns deliciosos bombóns para endulzar o día.

Así que, os meus parabéns a este gran grupo de pementeir@s participantes.

Pero, ademáis, hai un pementeiro que gañou un premio polo seu texto de felicitación que foi o elixido polo xurado do concurso.¡Parabéns, Leo!

 

Despois de tanto premio e tanta felicitación, ¡a disfrutar todo o mundo do teatro!

AGASALLOS PARA OS PARTICIPANTES NO CONCURSO SOBRE ROSALÍA

Como sabedes, no cole celebramos un concurso sobre a autora galega que lle da o nome ao noso centro titulado "Rosalía viaxa ao espazo". Na aula "A Pementeira" tivemos tres participantes aos que xa felicitei na aula. Hoxe, estes dous cabaleiros e unha dona chamados Iker, Leo e Inés recibiron un agasallo de parte do Equipo de Normalización e Dinamización Lingüística co que se quere premiar o seu esforzo e o interese por participar nas actividades do cole. 

Tamén quero felicitar ás súas familias por adicar un pouquillo de tempo a estas iniciativas que pretenden animar aos nenos e nenas a crear cousas orixinais, ben sexan debuxos, collages, contos, comics ou calqueira outro tipo de traballo creativo.

E aproveito, tamén, para felicitar a Nerea, da aula "A Sementeira", que foi a gañadora de infantil do concurso "Rosalía viaxa ao espazo".¡Parabéns Nerea!

Durante o día estivemos recordando a un pintor alemán chamado Franz Marc que pintou, entre outras cousas, un fermoso "Cabalo Azul". Na asemblea intentamos reflexionar sobre a importancia que ten a nosa IMAXINACIÓN. Os artistas moitas veces non reflexan nas súas obras a realidade tal e como é senón que poden imaxinala de formas ben diferentes. E iso comprobámolo coa historia de Eric Carle, que xa coñecíamos, "O artista que pintou un cabalo azul"

Pola tarde observamos o cadro orixinal de Franz Marc e tratamos de colorear un, máis ou menos semellante, con témpera diluída e acuarelas. Penso que observando obras de arte, os nosos ollos vanse habituando a aprecialas e comprendelas. Por outra banda cando nos concentramos na pintura. ademáis de afianzar o control grafo-motriz (que é indispensable para escribir ben) tamén aprendemos a "escoitar os nosos pensamentos",a"conversar" cos grandes artistas, a "mergullarnos" na auga coloreada das acuarelas, a observar composicións armoniosas, ... e todo iso nos axuda a desenvolver habilidades artísticas.

Agora, gustaríame que cada pementeir@ imaxinara un animal que lle guste pero dunha cor moi diferente a que ten na realidade. Algúns nenos/as fixeron as súas propostas: unha galiña verde e rosa, unha xirafa violeta e vermella, un gato azul, unha ovella laranxa... A ver se estes cerebros pementeiros son capaces de imaxinar animais divertidos...

¡PREMIO DO PUNTÓMETRO!

O venres a profe María fixo entrega na aula "A Pementeira" do premio do Puntómetro. Durante todo o curso participamos nunha actividade organizada polo Equipo de Extraescolares que consistía en manter as aulas limpas e ben organizadas. A profe María era a encargada de vir de vez en cando a revisar a nosa clase para ver como estaba. Se atopaba a aula limpiña, sen papeis nin galletas polo chan gañábamos un punto verde. Se atopaba a aula sucia, entón tiña que poñer un punto vermello. Tivemos sorte e como sempre nos puxo un punto verde, levamos premio. ¡Menos mal que non veu un deses días nos que tiven que enfadarme para que os pementeiros/as recolleran as cousas do chan, porque máis dunha vez penso que merecíamos o puntiño vermelliño!

En fin, esperemos que o curso que ven, xa non coste tanto traballo facer o que nos pide a profe e podamos ter a nosa clase limpia e recollida. Porque a todos os nenos e nenas lles gustou recibir o premio. E o que quere un agasallo ten que esforzarse para gañalo.

¡Mirade que contentos estaban!