TRABALLANDO COA PDI

Estes días estivemos traballando a grafomotricidade coa PDI (Pizarra Dixital Interactiva). Concretamente estivemos practicando o trazo do número 1.

 

 

Despois de practicar o trazo, traballamos o equilibrio camiñando por un número 1 que a profe pintou no chan.

   Por outra banda, hoxe percibimos un pequeno cambio no millo que puxemos na auga... A ver se vós notades algo tamén.

  Os pementeiros/as notaron que están brotando unhas folliñas pequeniñas. Estamos todos emocionados esperando a ver se eses pequenos brotes medran máis. ¡A ver que pasa o luns!

 Na hora do conto disfrutamos moito cun libro que nos trouxo Enzo. E que é unha nova historia do noso amigo o polo Pepe, e para nos, Pepe é moi especial. Encántanos leer cousas da súa vida. Nesta ocasión estivemos moi atentos, sen perder detalle de como Pepe se esforzaba en aprender a voar.

 E, para rematar, tamén queremos contar a todas as familias que estamos poñendo a nosa aula moi bonita cun ambiente de auténtico outono, xa que estamos colgando as nosas follas pintadas como se estiveran a caer dunha árbore. ¡Mirade que ben están quedando!

MILLO

Hoxe foi un día estupendo na Pementeira. Moitos nenos e nenas puxeron o seu mandilón sen a miña axuda e outros poucos precisaron moi , moi pouquiña. Así que temos que felicitar a estes pementeiros/as porque están avanzaando moi rápido. Asemade o resto do día foi moi ben. Parece que imos integrando as rutinas de aula e, unha vez, que se automatizan certas tarefas queda máis tempo para facer outras cousas máis divertidas e interesantes.

Así que hoxe estivemos vendo e tocando unhas espigas de millo que trouxera Marcos fai uns días.

Despois estivemos vendo como se poden sacar os granciños de millo da espiga e empezamos un experimento: colocamos unha das mazorcas de millo nunha cubeta con auga (a ver que pasa nos próximos días) e, por outra banda, sementamos uns grans de millo nun bote con terra que recollemos fóra. 

¡A ver se levamos algunha sorpresa nos vindeiros días! ¿que pasará?

E para rematar esta entrada aquí vos deixo as fotos de Dani e Icía que fixeron a A coa plastilina e estaban todos contentos.