RECREACIÓNS OBRAS DE ARTE

      Onte recibimos unha nova recreación dunha obra de arte. Óscar trouxo a súa fotografía emulando o "Home melancólico" de Vincent van Gogh.  Como vedes , coa súa roupa azul, o estilo da silla e a posición corporal, Óscar reproduce perfectamente ese sentemento de tristeza que pintou van Gogh.

 

      Estou moi contenta porque os nenos e nenas das aulas de 4 e 5 anos, coa colaboración das súas familias, claro, tamén se animaron a participar neste xogo de imitar pinturas ou esculturas famosas e importantes dentro da Historia da Arte universal, e están facendo aportacións ben bonitas e realmente elaboradas.

       Na aula de psico, as profes colocamos unha pequena exposición con todas as recreacións que recibimos. Como imos ter unha reunión grupal o próximo mares, podedes aproveitar para contemplar toda a decoración dos espazos comúns de infantil realizada dentro do noso proxecto de arte. Se alguén máis se anima a facer unha recreación artística (hai varios/as pementeiros/as que non participaron no nosos xogo) aínda estades a tempo...

      Como vedes, pouco fai falta para recrear unha obra de arte: algunha prenda de roupa máis ou menos parecida á que mostre a pintura, algún accesorio concreto que teñamos pola casa e, sobre todo, tratar de emular unha postura ou un enfoque. Hai algunhas realmente bonitas e feitas con poucos recursos ou elementos. ¡Veña, animádevos a facer algo divertido que xa estamos rematando o curso e pechando este fantástico proxecto!

       Tamén organizamos un recunchiño adicado á escultura con traballos e fotografías aportados plos nenos e nenas.

      ¡Esperamos a vosa visita a este peculiar, personal e especial museo de arte!

VASARELY, PICASSO E MIRÓ

      Rematando xa o proxecto de arte, estamos facendo algunhas fichas para recordar e homenaxear artistas sobre os que xa traballamos.

     Estes ultimos días estivemos vendo obras de Picasso, Miró e Vasarely.

    VASARELY é un artista ao que nos estivemos achegando ultimamente. O primeiro que lle mostrei aos pementeiros foi esta imaxen que aparece á dereita. Todos a coñecedes, claro. Só un pementeiro, Gabriel, cando eu preguntei si viran eso nalgún sitio, dixo que estaba "diante nos coches". Pois ben ese logotipo de Renault é un deseño de Viktor Vasarely.

    Nós estivemos vendo obras deste xenial artista representante do OP-ART e aos nenos e nenas gustáronlle moito porque teñen moitas cores e dan sensación de movemento.

  

   Estivemos dándolle cor a unha das súas obras nunha actividade impresa individual pero, ao mesmo tempo, coloreamos con rotuladores (por primeira vez na aula empregamos "rotus" para colorear superficies un pouco grandes e non só para repasar trazos ou letras, saiu bastante ben pero foi preciso insistir moito en concentrarse ben, non caragr demasiado porque rompe o papel, procurar non saír por fóra porque non se pode borrar etc.) a mesma obra en maior tamaño para colocar ao lado das que pintaron os nenos e nenas de 5 anos.

 

                                      

      Cando acabamos, fomos colocar o noso vasarely xunto cos que fixeron os nenos e nenas de 5 anos e estivemos contempalndo, tamén, o "Castelo e sol" de Paul Klee e os debuxos mironianos que os alumnos/as de 4 anos colocaron no teito. O corredor de infantil está espectacular.