ENTROIDO AFRICANO

 AKWABA. Benvidos a todos a este blog. Hoxe temos moito que mostrarvos. Espero que disfrutedes.

Por fin chegou o gran día que todos estabamos esperando. O cole Rosalía celebrou hoxe un entroido moi africano. E teño que dicir que en infantil vivimos a celebración de hoxe con moita alegría, con moita imaxinación, con ritmo e con sentementos de pertenza a un grupo, o grupo de nenas e nenas de 3, 4 e 5 anos e as súas mestras (que tentamos poñer todo da nosa parte para facer deste día tan africano unha xornada estupenda).

O traballo de ambientación empezou xa fai tempo pero nesta semana aínda estivemos "perfeccionando" a decoración, tanto as mestras como os nenos e nenas.

E hoxe, ás dez e dez, empezaron a entrar no cole, nestes espazos un pouco africanizados, unha chea de animais da sabana, faraóns e raíñas de Exipto, guerreiros masai, tuaregs, feiticieiros e outros membros de diferentes tribus, mamás cos seus bebés na espalda... Eu teño que dicir que quedei impresionada. Seguramente este entroido foi o que máis ilusión me fixo nestes anos de mestra de infantil e o xusto é recoñecer que todos e cada un dos nenos e nenas de infantil viñeron realmente espectaculares. ¡Mirade, mirade! Algunhas fotos quedaron realmente fermosas e iso foi porque os protagonistas estaban radiantes.

 

 

 

Parabéns, de verdade, a todas as familias pola vosa implicación neste entroido africano. Os nenos e nenas de infantil estaban espectaculares. Eu quedei impresionada cos disfraces. ¡Encantáronme! 

 E xa para rematar, aquí está o vídeo coa fantástica actuación  dos pementeiros no festival de entroido 2016.

¡Upppssss! Olvideime de poñer unha foto das profes de infantil que, tamén, intentamos estar á altura dos nenos e nenas e vir coas nosas mellores galas a esta celebración entroideira.

E a última coa máis fermosa e famosa raíña de Exipto, Cleopatra.