E chegou o día grande do noso Entroido mitolóxico de infantil do Rosalía!!!!! Foi un día estupendo no que todo saiu perfecto: fixemos as primeiras fotos no cole cos disfraces impecables, saímos para facer o pasarúas polo centro de Padrón, voltamos a merendar no cole (porque os pementeiros/as estaban xa famentos) e despois aínda nos chegou o tempo para xogar libremente no patio, que tamén facía falta.
Non teño que precisar que os nenos e nenas de infantil foron os máis guapos de todo o desfile, portáronse xenial e grazas a ese bo comportamento e ao seu disfrute resultou unha mañán moi agradable, relaxada e festiva ao mesmo tempo. Ademáis atopamos a Mario na rúa, cos seus papás e todos nos alegramos un montón de volver a velo. As mamás e papás da Pementeira, como ven sendo habitual desde o primeiro curso de infantil, estiveron animando desde o principio do percorrido, sacando fotos, gravando vídeos e participando activamente cos seus disfraces e o seu sentido do humor demostrando así que o que facemos e vivimos no cole é importante para eles tamén. Eu so podo dicir grazas unha vez máis.
E aquí vos deixo fotos e unha montaxe de vídeo para que vos quede un recordo deste día tan mitolóxico.
