TELEXORNAL PEMENTEIRO 2

   Xa está aquí o segundo telexornal pementeiro deste curso 2018-2019. Espero que o disfrutedes e valoredes o traballo destes nenos e nenas de infantil que traballaron como auténticos profesionais da comunicación.

UN XOVES NORMAL

Voltamos ao cole despois dun pequeno parón tras a celebración do Samaín. Alegreime moito de ver aos pementeiros/as sobre todo porque chegaron con moita enerxía, contentos de ver aos seus compis e con ganas de participar en moitas actividades. Están progresando moito. Onte estivemos afianzando o trazo do número 1 e iniciamos unha nova rutina: disfrutar do recuncho da biblioteca cando se remata unha tarefa (antes da merenda).

E hoxe traballamos coa PDI: tocamos o piano, identificamos as vocais, fixemos series de cores e asociamos formas con sombras. Con todo isto, tamén estivemos reforzando a coordinación óculo-manual , o control motriz, a percepción e organización espacial...

E, por último, fixemos de novo o noso desfile favorito: "A marcha das letras" 

E agora, aproveito xa esta entrada para mostrarvos un traballo de equipo fantástico levado a cabo polos pementeiros e pementeiras. Eles e elas son os auténticos protagonistas e a profe (que únicamente fixo as gravacións e a rudimentaria montaxe en movie-maker) está moi orgullosa porque todos os participantes recitaron requetebén e a poesía "Los fantasmitas" quedou superchula. ¡Mirade, mirade!