PESANDO

Fai uns días estivemos escribindo a receita das KOEKSISTER, o postre sudafricano que Leo trouxo ao cole para compartir con todos os compañeiros.

 Despois de escribir os ingredientes, experimentamos un pouco coas cantidades pesando plastilina na nosa báscula. Os nenos e nenas tiñan que intentar conseguir bolas de plastilina que pesaran 175 gr. e 30 gramos. Primeiro fomos xuntando as pesas que necesitábamos para ter esas cantidades e poder colocalas nunha das cubetas da báscula. E cada un tiña que ir colocando na outra cubeta a plastilina e reducir a cantidade da mesma, ou aumentala, según fose necesario, para acadar a cantidade exacta que fixera que as cubetas da báscula se equilibrasen.