NOVOS EQUIPOS e NOVOS RETOS

Por fin decidimos xa os nomes dos equipos de aula. Evidentemente, o tema arredor do que xiran estes nomes de mesa é África,claro.

En relación cos nomes dos equipos, os pementeiros/as teñen un reto para mañán pero non o vou revelar aquí. Teñen que facer unha investigación para averiguar unha cousa moi curiosa que aparece nesas fotografías. A ver quen se acorda de plantexar ese reto na casa e traer a resposta ao cole.

Aproveito para felicitar á pementeira Inés porque hoxe trouxo a resposta a unha pregunta que levo repetindo na aula un montón de días. Cando coloquei o novo panel para pasar lista, expliquei que xuntara tres "paisaxes" de África que se atopan en lugares diferentes: o Monte Kilimanjaro, a Mezquita de Djenné e a Avenida dos Baobas. Por suposto dixen en qué país está cada cousa: o Kilimanjaro en Tanzania, a avenida dos baobas en Madagascar e a Mezquita de Djenné en... ¡Aí estaba a cuestión! 

Ninguén recordaba nunca onde estaba e, por iso, eu insistía en que tiñan que investigar para averiguar en qué país está esa fermosa mezquita que é Patrimonio da Humanidade. ¡Por fin, hoxe, Inés trouxo a resposta! ¡Está en Mali!

 

¡Parabéns, Inés! ¡Estou orgullosa de ti por acordarte de buscar a resposta ao meu reto! E parabéns, tamén, para os seus papis que lle axudaron a buscar esa información. Disfruto moito cando os meus alumnos/as se animan a investigar e contan na casa o que facemos  no cole, para aprender máis cousas cada día.

Así que, espero que mañán moitos pementeiros/as máis traian a solución a ese novo reto que plantexei hoxe.

As últimas xefas Mossi da "Pementeira" foron Mariña. Alma e Inés.

E para rematar, quero presentarvos ao noso LEÓN. Agora cando chegamos ao cole, na porta da nosa aula temos un porteiro moi especial: un auténtico león da sabana africana. Esperamos que, pouco a pouco, teñamos moitas cousas de África polo corredor do noso particular mundo infantil do cole Rosalía. Estamos xa traballando!!!