Por fin empezamos a organizar o noso recuncho africano. ¡Que ganas tiña! Hoxe colocamos as cousas que foron traendo xa algúns nenos/as da Pementeira e a cousa vai tomando forma.
Candela trouxo unha xirafa.
Noa trouxo un debuxo moi africano coloreado por ela mesma.
Sara trouxo unha enorme lámina chea de cor que nos mostra unha familia de Burkina Fasso.
Inés trouxo un djembé. ¡Encántame escoitar o son deste instrumento!
Sara tamén trouxo o conto de "Mariluz, avestruz" e a avestruz de peluche.
Leo trouxo un fantástico mapa de África feito por el mesmo (cun pouquiño de axuda de papi claro, que tamén é necesario de vez en cando) no que colocou algunhas das cousas das que estivemos falando estes días no cole: o Río Nilo, as Pirámides de Giza, as columnas de Hércules, un oasis no deserto do Sáhara, o Kilimanjaro e un baobab en Madagascar. ¡Precioso traballo!
Alma trouxo un atlas no que, seguro, imos atopar todos os animais de África.
Hoxe tamén completamos un pouco máis o Panel das Tres Preguntas.
E como Kirikú está causando furor na Pementeira, estivemos vendo un pouco da peli. As caras de concentración e de emocións contidas dos nenos e nenas son dignas de ver. Dame pena que non podades ver algúns brincos que pegaron nos momentos de máxima tensión. Aínda que algunhas mamás e papás ao mellor vístedes algo porque, certos pementeros/as xa me contaron que estiveron vendo a peli enteira na casa onte pola tarde.
Estupendas aportacións para o recuncho chic@s!!. O mapa de Leo é espectacular!!
ResponderEliminar