MONDRIAN E GIACOMETTI

       Seguimos descubrindo novos artistas na Pementeira. Estes últimos días sabedes que estivemos investigando sobre o proceso creativo dos escultores e coñecemos a obra dun italiano que realiza unhas esculturas moi, moi delgadiñas. Pero antes de continuar coa escultura, temos que presentar aos últimos dous Willy Fog que foron: o venres Izan e hoxe luns Marcos. ¡Mirade que elegantes e felices estaban!

          

     Por outra banda, Yeico trouxo para o noso recuncho artístico unhas maquetas moi bonitas da Catedral de Notre-Dame, o Big Ben e o Taj-Mahal que xa están no seu lugar á beiriña da Sagrada Familia de Barcelona.

    Antes de pasar á escultura, hoxe estivemos facendo unha actividade impresa representando unha das obras de Mondrian. Xa coñecedes a este pintor holandés e recordades o ben que pintaron os pementeir@s un cadro seu que temos no noso corredor, pero hoxe fixemos unha pintura individual respectando as "normas" que tiña Mondrian: empregar cores primarias xunto co branco e o negro, e liñas sempre horizontais en negro formando cadrados e rectángulos. Mirade o resultado.

      E agora si que chegou o momento de falar da nosa escultura. O escultor que nos inspirou é Giacometti. Aquí podedes ver algunha das súas obras.

  

     A nosa escultura, que fixemos en equipo todos xuntos, estivo secando e hoxe por fin xa lle din a característica cor gris das figuras delgadas e alrgadas de Giacometti. Así quedou... 

    A seguinte tarefa foi poñerlle título. Costou un pouquiño que saíran propostas (porque iso de poñer títulos ás obras de arte non é cousa baladí e, claro, os pementeir@s non están aínda moi afeitos a facelo) pero quero dicir que houbo dúas ideas interesantes:

       Daniel dixo que lle parecía un home que estaba pedindo calma (e imitou el mesmo a postura da escultura coa man levantada decindo "calma, calma"" así que o título podería ser "O home que pide calma"

      Entonces Aleixo dixo que a el lle parecía que estaba bailando, así que o título sería "Home bailando".

      Como non xurdiron máis ideas, o seguinte paso foi votar un dos títulos para ver cal tiña máis defensores e gañou "Home bailando" co cal ese será o título da nosa escultura.

      E despois algúns pementeiros se animaron a seguir experimentando no proceso de modelado con plastilina para lograr a representación dunha figura coas súas pernas, o corpo, os brazos e a cabeza. E aquí están algunhas das obras...