ESCULTURA, PINTURA E MÚSICA

       Volvemos destes días de descanso con moita enerxía, ganas de vernos e traballar xuntos. Hoxe tivemos un día completiño. Antes de nada, a Willy Fog do día, a pementeira Valeria, perfectamente ataviada para a ocasión, e moi contenta pasou lista e contou cantos nenos e nenas quedaron na casa e cantos había no cole.

   Despois estivemos recordando algunhas pinturas de Monet e de Matisse na aula de psico. Contemplanos con admiración os traballos que fixeron os nenos e nenas de 4 e 5 anos.

      E a continuación, puxémonos nós a pintar "A Danza" de Matisse na aula.

      Traballamos tranquilamente, como a min me gusta, disfrutando da música... Non lle dou tempo a todos de rematar a tarefa, pero teremos algunha ocasión de continuala para que todos poidan mostrárvola no blog.

     Chegou a hora de merendar e de saír a xogar ao patio, que tamén fai moita falta. E a continuación estivemos bailandoo Hoky-Poky e xogando ás estatuas na aula de psico. ¡Pasámolo xenial!

       E, antes de ir ao comedor, estivemos experimentando cunha nova faceta artística: a realización dunha escultura partindo das obras dun famoso escultor que aínda non vos vou desvelar (ao mellor alguén imaxina de quen se trata).

       Primeiro preparamos un armazón de alambre e, a continuación, fomos tapando ese armazón con pasta de modelar. Os pementeiros/as intentaron ir facendo esa tarefa de cubrir o alambre co barro e fixérono con concentración pero déronse conta de que non era tan fácil como parecía no principio (porque se apretaban moito a escultura desfacíase e tíñamos que recompoñela). 

 

      Como vedes, aínda estamos nun estadio inicial da nosa escultura. Continuaremos o proceso e veremos o resultado pronto. E falaremos do escultor que nos serviu de inspiración.

       ¡Dá gusto vir ao cole e facer tantas cousas diferentes nunha mañán! A ver se seguimos nesta liña, ¡seguro que si!