RETOS, CORES E DEUSAS

    Rematamos outra semana cun resumo dalgunhas actividades realizadas na Pementeira.  Por suposto sempre seguimos plantexando preguntas, temas de investigación e retos...Esta semana xurdiron varias cuestións que había que investigar . Por exemplo, nun conto dicían que un neno sempre estaba pensando nas musarañas así que preguntei quen sabía o que é unha MUSARAÑA e ninguén o sabía. Ao día seguinte Pablo trouxo a resposta.

   Agora xa todos saben en qué pensan cando "pensan nas musarañas" o cal significa que se distraen con calqueira pequena cousa sen importancia.

     Por outra banda, o día que plantamos o noso carballo, o mozo que nos axudou e nos explicou un montón de cousas sobre a vida e os coidados das plantas, díxonos que as plantas precisan dióxido de carbono. Os pementeiros/as non oíran falar de tal cousa así que ... ¡había que investigar!. Ao día seguinte Daniel e Alex V.S. trouxeron unha explicación sobre o dióxido de carbono e o proceso da fotosíntesis das plantas.

E a última preguta plantexada foi sobre Exipto. Mostreille aos nenos tres amuletos exipcios para que investigaran sobre eles  e Daniel e Marcos trouxeron a resposta. Marcos tamén trouxo uns libros moi chulos sobre Exipto.

     Levamos varios días facendo algo moi vistoso no cole, que aínda non imos revelar, e que necesita o emprego de diferentes cores, así que aproveitamos para repasar un pouquiño a Teoría da Cor realizando mesturas.

      Primeiro estivemos recordando cales eran as cores primarias e as secundarias e, despois, xa pasamos á unha parte máis práctica na que todos os nenos e nenas observaron con moita atención como se poden "fabricar" novas cores a partir das primarias.

   E, por último, fixemos unha actividade impresa sobre a deusa hindú Lakshmi. Como xa sabedes, fai uns días plantexamos un reto sobre esta deusa e agora fixemos esta ficha para recordar un pouquiño de información sobre ela.

 E para a semana máis cousas!!!