LETRAS GALEGAS 1

Hoxe comenzamos a celebración do Día das Letras Galegas que, como sabedes, este ano se adica a Xosé Filgueira Valverde.

Visitamos de novo a biblioteca do centro para coñecer en vivo e en directo ao protagonista da celebración que estaba acompañado pola ilustre poetisa Rosalía de Castro.

Os dous, traballando en equipo, foron contándonos cousas da vida e a obra de Filgueira Valverde.

Despois de escoitar moita información interesante, que nos contaron o señor Filgueira Valverde e dona Rosalía de Castro,  tivo lugar a entrega de premios para os gañadores do concurso das Letras Galegas e  para os participantes nas sesións de lectura na biblioteca. Aquí vos deixo as fotos dos premiados de infantil.

UN BICO PORQUE SI.

Unha das actividades organizada polo Equipo de Normalización e Dinamización da Lingua, consiste en realizar lecturas na Biblioteca do centro, na hora do recreo, durante a semana das Letra Galegas para todos aqueles que decidan participar e/ou asistir.

Da aula "A Pementeira", Leo realizou a lectura dun poema en representación de todos os pementeiros/as que o acompañaron no momento crucial e lle adicaron un aplauso. O poema fala de bicos e de música. ¿Queredes escoitar a Leo? Pois aquí vos deixo o vídeo e as fotos que deixan constancia da participación da Pementeira na actividade.

MÁIS LIBROS VIAXEIROS

Algíns/as pementeiros/as xa poideron disfrutar nas súas casas dos libros espaciais que agora están viaxando. 

Un deles titúlase "O universo" e é unha historia para ler as escuras. É moi divertido pero hai que facer un traballo previo á lectura. É preciso "cargalo" cunha linterna ou a luz dunha lámpara (ou algo así) páxina a páxina para, despois, disfrutar das resplandecentes imaxes.

O outro libro é máis caseiro, de feito está feito pola profe co cal os "efectos especiais" son máis limitados. É un libro sobre a lúa que, tamén, lles está gustando bastante aos pementeir@s.

Por outra banda, unhas historias que están triunfando na nosa aula son :

A verdade é que son moi interesantes e teñen unhas ilustracións realmente fermosas. Aínda que as narracións teñen certa complexidade, para os nenos de 4-5 anos, teño que dicir que recordan perfectamente os nomens das personaxes, as accións que se van sucedendo, e moitos detalles das historias. Disfrutamos moito con eles, eu contándoos e eles escoitando e contemplando as imaxes.

CARTA E PRENSA

¡Por fin chegou a resposta á nosa carta! Os nosos novos amigos do CEIP Plurilingüe de Tirán contestaron á nosa misiva  e aquí podedes ver e ler o que eles nos contaron. Antes de nada póñovos as fotos da carta que nos lles remitimos a eles, e así imos vendo  como se vai producindo a comunicación entre os nenos e nenas de ambos coles. 

  

Por outra banda, hoxe estivemos traballando cunha nova que se publicou nos xornais o domingo pasado. Fala dun fósil de dinosaurio chamado Concavenator corcovatus. Pero como o seu nome é tan complicado todo o mundo o coñece como PEPITO. O interesante deste fósil aparecido en cuenca é que permitiu confirmar que as patas de certos dinosaurios eran moi moi similares ás patas das aves actuais, de feito o titular da noticia é precisamente "Dinosaurio con pés de galiña".

 Por último, aqui deixo un vídeo dos pementeir@s traballando ao son do Carnaval dos animais de Saint-Saëns.

COUSIÑAS DO DÍA A DÍA

Seguimos traballando na Pementeira. Hoxe fixémolo ao ritmo do Carnaval dos animais de Saint.Saëns que cada día nos gusta máis.

Tamén tivemos sorpresas:

Mencía tróuxonos un debuxo espacial;Anxo e Mariña trouxeron sendas novas do xornal e Mariña, ademáis, un fósil que nos gustou moitísimo e Sara unhas fotos da súa visita ao planetario coa que disfrutou un montón, sobre todo vendo como nacía un pitiño que quedou "espatarrado" como ela mesma nos explicou.

 Estes pementeir@s están moi atentos ás novas dos xornais que nos axudan a aprender moitas cousas novas sobre o universo. Por exemplo aprendemos o nome dunha das lúas de Saturno, que se chama Enceladus, e tamén aprendemos o que é un fósil e tivemos a sorte de ver o que nos trouxo Mariña. Coa nova que trouxo Anxo enterámonos de que o telescopio espacial Hubble cumpriu nada menos que 25 anos. Grazas a este fantástico instrumento podemos ver moitas imaxes do espazo e aprender moitas cousas que ocurren na nosa galaxia. ¡Qué interesante é ler o xornal!

Coas fotos de Sara tamén aprendemos novo vocabulario e agora xa sabemos o que é un péndulo e o que significa o movemento pendular. ¡E resulta que ese movemento experimentámolo case todos os días cando imos ao patio! ¿Sabedes onde?