TRABALLANDO E DISFRUTANDO

    Esta semana foi bastante productiva na Pementeira. Estivemos traballando pero tamén disfrutando porque unha das nosas máximas é que no cole temos que disfrutar. Por iso intentamos, na medida do posible, respectar unhas normas e unhas rutinas básicas para que todos poidamos estar máis a gusto, aprender, investigar xuntos e ter tempo para xogar, cantar, falar e exercitar o noso corpo para que medre máis san.

    Aquí vos deixo uns vídeos para que comprobedes que intentamos habituarnos a facer as actividades impresas en silencio, concentrándonos e prestando atención ás indicacións que dá a profe ou ao que pon na pizarra e, ao mesmo tempo, relaxándonos coa música de fondo.

   Aos pementeiros/as encántalles mirar os libros do proxecto Nautilus...

    

    Seguimos cos "Venres saudables 100%" e moitos nenos e nenas se animan a traer froita para ir acumulando gomets.

 E tamén seguimos practicando ioga. Este venres, como estaba unha mañán estupenda, decidimos facer a nosa sesión semanal no patio e estivemos ben a gusto co soliño que facía. Eso sí, con tanto esforzo, cando entramos, moitos nenos/as remataron a súa botella de auga. Cando vedes as fotos das distintas posicións, podedes pensar que son fáciles e non hai esforzo porque parece que só é estar quietos, pero garantízovos que non, que hai traballo detrás de estas "asanas".

   Antes de volver para a aula, un minutiño de movemento. Hai que soltar todos os músculos que estiveron estirándose e manténdose tensos durante a sesión.

     E, para rematar esta entrada, aquí vos deixo o vídeo da última nova palabra que gravamos na aula. Nesta ocasión foi Sara Castaño a encargada de explicar o significado de TRITÓN e fíxoo realmente ben. Todos a felicitamos polo traballo, porque estaba concentrada e moi tranquila e recordou os datos importantes que nos axudan a identificar a un tritón se. por casualidade, o atopamos no mar.