Chegou o final da semana. O venres foi un día tranquilo pero con actividades variadas, coma sempre na nosa aula. O Willy Fog do día foi Hugo, que estaba moi impaciente. Non lle daba chegado o día! Cando o luns lles dixen os nomes dos encargados de toda a semana (imos por orden de lista) xa case lle dá algo ao escoitar o seu nome, pero xa quería ser Willy Fog o martes, e o mércores e o xoves (empeñado en que eu llo dixera) así que, por fin, chegou o seu momento. ¡Estaba tan orgulloso e tanto lle pareceu que tivera que esperar que ata estaba nervioso!
Mario trouxo otro móbil para o noso corredor, feito cos tubiños de cartón do papel hixiénico. Quedoulle moi orixinal ; recordounos un pouco ás campaniñas de vento. Tamén trouxo unha reproducción dunha pintura de Miró, "O nacemento do día".
Dentro da aula estamos intentando conseguir concentrarnos no traballo individual que facemos na mesa, nas actividades impresas, e para axudarnos a estar máis tranquilos e calados botamos man da música clásica. Como podedes ver no vídeo, de cando en vez conseguimos ter momentos de calma total e, a continuación, pasamos a cantar con alegría e forza.
Non sei a vos, pero a min o vídeo ponme no disponible ???
ResponderEliminarA min descargamo ben Pili
EliminarAGora si. No ordenador. No movil non era capaz. Gracias
ResponderEliminar