A CAIXA DOS BOS RECORDOS

     Na Pementeira estamos tratando de reflexionar sobre as nosas emocións, pero sobre todo, queremos valorar as emocións positivas porque, ás veces, sucede que tendemos a falar moito sobre as cousas que nos fan sentir mal e, pola contra, non nos paramos a falar das que nos fan sentir ben. Así que imos intentar cambiar esta dinámica. Como se achega o Día da Paz, estamos lendo moitos contos que teñen que ver co respecto, co diálogo, coa tolerancia, coa solución de conflictos...

 

   E, despois de escoitar estas fermosas historias, sempre procuramos falar e pensar nas cousas que nos podeos facer para disfrutar, para sentirnos ben e para que os demáis tamén se sintan ben. Así que o venres iniciamos unha nova actividade que consiste en anotar nun papel as cousas que, durante a semana, nos fixeron felices, actividades ou situacións que nos fixeron disfrutar e sentirnos a gusto no cole. E todas esas anotacións ímolas gardar nunha CAIXA DE BOS RECORDOS, para non esquecer que hai un montón de cousas ao longo dos días que temos que valorar e agradecer xa que temos a sorte de vivilas con pracer, con gozo e con satisfacción.

    Aquí está aprimeira lista de bos recordos que elaboraron os pementeiros e pementeiras:

           ¿QUÉ ACTIVIDADESOU SITUACIÓNS CHE FIXERON DISFRUTAR E PASALO BEN NO COLE ESTÁ SEMANA?

    Con esta actividade estou intentando que os nenos e nenas se paren un momento a pensar nas cousas que fixemos ao longo da semana, co cal pretendo que vaian mellorando a súa percepción temporal (pois non vale dicir cousas que fixemos o curso pasado, ou o trimestre anterior, ou a semana pasada... aínda que algunhas rutinas obviamente poden valer porque as repetimos moito, claro), que vaian desenvolvendo habilidades de autocoñecemento (reflexionando sobre o que lles gustou a cada un e non unicamente repitan o que dixo un compañeiro ou o que pensan que a profe quere escoitar), en definitiva que pensen tranquilamente uns minutos, que se expresen con espontaneidade, que exploren os seus gustos e emocións, e que aprendan a valorar todo o positivo focalizando a súa atención nas cousas divertidas e gratificantes que están vivindo.