Hoxe conmemoramos o Día Mundial da Paz e a Non Violencia. Durante dúas semaniñas os nenos e nenas da Pementeira estiveron colaborando na elaboración dun mural no patio do cole. É importante recordar valores como o respecto, a tolerancia, a comprensión, a xustiza, a igualdade de dereitos, o dereito a expresarnos libremente, o valor do traballo en equipo... hoxe e todos os días do ano por suposto. Por iso me gustou que os pemeteiros/as puxeran ilusión en pintar este mural que simboliza ese desexo de PAZ no mundo e recolle, tamén unha fermosa frase de Malala, Premio Nobel da Paz 2014, que nos recorda que podemos cambiar o mundo pero con cultura, educación, coñecementos e non con guerras e loitas.
Hoxe algúns pementeiros/as merendaron un pouco de chocolate quente con biscoito e, despois, asistimos a un sinxelo acto no ximnasio.
