UNO DE LOS PRINCIPALES OBJETIVOS DE LA EDUCACIÓN DEBE SER AMPLIAR LAS VENTANAS POR LAS CUALES VEMOS AL MUNDO. Arnold H. Glasow

viernes, 27 de abril de 2018

CONSTRUÍNDO UN PÓLDER

       Con motivo da próxima celebración do Día de Europa, na Pementeira estamos empezando a adentrarnos nun dos países favoritos da profe: HOLANDA. Xa coñecemos algunhas cousiñas que nos están servindo para preparar unha presentación sobre ese fermoso país, que lle mostraremos a todos os que queiran visitar a nosa aula. Noutras aulas do cole traballarán sobre outros países europeos e os pementeiros/as esperamos poder visitar as súas mostras para coñecer EUROPA dun xeito moi directo.
    Pois ben, de Holanda sabemos por exemplo:
    1.-É un país pequeno que está por debaixo do nivel do mar.
    2.- Os holandeses construíron pólders para gañarse terreo ao mar do Norte. 
Resultado de imagen de pólders holandeses
    3.- Os muíños de vento servían para controlar o fluxo da auga polos canais e así evitar as inundacións deses terreos desecados, os pólders.
Imagen relacionada
    4.- A flor típica de Holanda é o tulipán, que en realidade foi traída de Turquía.
Imagen relacionada
      5.- A capital de Holanda é Amsterdam. En Amsterdam hai moitos canales, casas-barco e moitísimas bicicletas.

Resultado de imagen de amsterdam

Imagen relacionada


      6.- Os holandeses fundaron Manhattan, o corazón de New York.
Resultado de imagen de manhattan

Resultado de imagen de nijntje miffy7.- Aos nenos e nenas holandeses gústalle moito xogar co coelliño Nijntjie ver os seus debuxos animados ou ler os seus contos. 





      Para ir entrando en materia (porque aínda temos que aprender, e recordar, máis cousas sobre Holanda) estivemos vendo uns vídeos sobre Amsterdam, sobre os pólders e ata escoitamos unha canción en holandés que nos cantou Nijntjie.
   E como estamos mergullados no noso proxecto Nautilus, pensei que era moi interesante que os pementeiros/as comprobaran dun xeito o máis práctico posible (dados medios que temos nunha aula de infantil, claro) como os holandeses conseguiron ganarlle terreo ao mar mediante a construcción de diques e os pólders. 
    Empregamos una cubeta para facer de mar, pero primeiro medímola para saber qué lonxitude tiña que ter o dique que íamos construír. Fixemos o dique con pasta de modelar que tivemos que deixar secando toda a noite para que se endurecera.

    Comprobamos que o dique encaixaba na cubeta para que impedira o paso da auga do mar.

 
    Despois enchemos a cubeta de auga, colocamos o dique e procedemos a desecar unha das partes para, a continuación, encher ese espazo con terra. Unha vez seco o terreo e cuberto de terra xa se pode cultivar ou construír.


























       Agora esperemos que o noso dique resista ata o día 9 de maio polo menos!

miércoles, 25 de abril de 2018

LECTURAS E EXPERIMENTOS

        Hoxe foi un día ben completiño na Pementeira. Empezamos a xornada lendo unha fermosa historia a petición do grupo de nenos e nenas. Unha petición que me fixo especial ilusión, a verdade. A cousa foi que o luns celebramos o Día do Libro e falamos do que nos gusta ler, conversamos sobre D.Quijote e Sancho Panza e sobre as nosas historias favoritas. O martes chegou Daniel todo contento e contoume que o seu papá para celebrar o Día do Libro lle mercou un mentres el estaba na piscina. "¡Xenial! ¡Vivan eses papás e mamás que regalan fermosos libros aos nenos/as!Hai que felicitar a ese papá" díxenlle. Entón pregunteille: "¿E qué libro che mercou?" e díxome Dani: "Un que tes ti e que nunca nos contas!" Imaxinade a cara que me quedou... "E ¿que conto é ese?" e contestoume "El principito".
Resultado de imagen de el principito         En fin, os que me coñecen un pouco saben que eu son moi fan desa fermosa e poética obriña, chea de reflexións, de pensamentos que poden parecer moi simples pero son realmente complexos, de ensinanzas sobre a vida... Total debín de mostrar tanto entusiasmo e admiración polo principiño que hoxe nada máis entrar na aula, varios nenos xa me soltaron:"¿Hoxe vas contarnos El principito? " E, obviamente, esa foi a lectura de hoxe. E quero mostrarvos a curiosidade coa que os pementeiros/as miraban polos buratiños da caixa que o aviador lle debuxou ao principiño, dentro da cal había un cordeiriño (que, por suposto, todos viron perfectamente, e todos dixeron que era superbonito).






   Non podía sacar máis fotos porque tampouco quería romper a maxia da lectura pero é que estas expresións nas caras dos nenos e nenas tiña que mostralas.
    Na horade facer unha actividade impresa disfrutamos dun pouco de música espacial. Xa que o principiño vivía nun asteroide pois puxemos música relacionada con ese tema e escoitamos, por exemplo, "Across the universe" dos Beatles ou "Space Oddity" de David Bowie.


    A última hora da mañán fomos ver unha demostración de experimentos relacionados coa auga que fixeron os nenos e nenas de 6º A e pasámolo requetebén. Foron uns experimentos moi interesantes. Comprobamos, por exemplo, que un globo cheo de auga non explota se o "queimamos" cunha candea, ou que podemos facer una arco iris con lacasitos. ¡Mirade que interesados estaban os nenos e nenas da Pementeira!































    E aproveitamos para recordar os experimentos que tamén fixemos nós coa auga e con aceite, colorante e azucre. Por certo, un dos barquiños de papel que deixáramos navegando efectivamente apareceu ao día seguinte desfeitiño e afundido na auga (creo que eu me esquecera de mostrarvos a imaxe). E gran parte do aceite co que impregnáramos o barquiño estaba flotando na auga (porque como sabemos non se mestura con ela, nin se disolve).





   E por hoxe, nada máis. A ver se seguimos tendo historias para contar mañán.