COUSAS DO DÍA A DÍA

      Estes días estamos facendo as nosas tarefas habituais na aula pero con moitas baixas, porque a varicela está deixando A Pementeira sen alumnos/as. Esperamos que se vaian recuperando prontiño todos os nenos e nenas porque xa temos ganas de velos. Seguimos disfrutando co disfrace de Willy Fog. Os últimos encargados que tiveron a sorte de vestirse como o protagonista de "A volta ao mundo en 80 días" foron Mario e Noa que estaban moi elegantes, leoninos e alegres. Dame tanta envexa velos tan guapos que hoxe ata me disfracei eu coa garabata, a máscara e o sombreiro (porque a chaqueta non me sirve, claro).

     ¿Non me diredes que os pementeiros/as non están elegantes para pasar lista, non?

      Rematado o noso cadro de Kandinsky, xa está colocado no seu marco xunto con "Amapolas" e "Cala amarela" de Georgia O´Keefe e "Bodegón" de Cezanne. O noso corredor-museo está quedando moi ben.

                                      

                                     

        Como veredes no vídeo que aparece a continuación, con menos nenos/as tamen é moito máis sinxelo estar tranquilos e traballar con calma e disfrutando da música clásica. Temos máis espazo físico, máis oportunidades de falar e menos elementos distractores, claro, pero aínda así, temos que dicir que botamos de menos aos nenos que faltaron ao cole porque formamos un equipo fantástico que agora está incompleto.

PINTANDO COMO KANDINSKY

     ¡Cantas cousas sabemos de arte! e ¡cantos artistas coñecemos xa!. Non é nada novo o que vos conto porque vós, papás e mamás, xa o sabedes. Coprobástedes na presentación Prezi todas as obras e pintores e escultores que fomos coñecendo por todo o mundo. E ultimamente estivemos traballando nunha pintura de Wassily Kandinsky, un pintor ruso. De Rusia coñecemos a catedral de San Basilio, un edificio impresionante cheo de cores que parece sacado dun conto de fadas (e que temos no noso recuncho de arte) e agora, tamén, a Kandinsky.

Algunhas das obras de Kandinsky máis coñecidas son as seguintes:

Nós estivemos facendo unha reprodución desta última pintura titulada "Duro, blando".

   Agora porei eu o meu granciño de area cuns pequenos retoques e xa colocaremos a nosa nova obra de arte no museo do corredor xunto coas flores de Georgia O´Keefe e o bodegón de Cezanne.

    Seguimos coas aportacións para o noso recuncho de arte. Hoxe Icía trouxo uns folletos dunhas exposicións porque ela, e tamén Aleixo e Enzo, tiveron a sorte de ir a Madrid nas vacacións de Pascua e vistar o Museo do Pardo e o Reina Sofía. ¡Estou encantada con que estes pementeiros/as viaxen tanto e disfruten nos museos!

    Icía contounos que no cadro de Picasso "As tres bailarinas" pois hai  "unha bailarina que parece un  porquiño pero é unha bailarina". Icía, Enzo e Aleixo viron o Guernica, pero o de verdade que é máis impresionante aínda que o que nós pintamos no cole. E tamén viron "As Meninas" e o "Cabaleiro coa man no peito" (por certo, familias, a contraseña para o luns ten algo que ver con este retrato tan fermoso).

      E como seguimos coas contraseñas, a de hoxe quixo gravala Icía:

      Para rematar esta entrada, déixovos as fotos da nosa Willy Fog de hoxe, a pementeira Sara Castaño.