SEGUIMOS PLANTANDO NA HORTA

    O martes tivemos oportunidade de volver á horta do cole para recoller leitugas (que os nenos e nenas de 3 anos levaron para o comedor) e plantar pementos, cebolas,leituga riza e leituga folla de carballo, lombarda, fresas e, tamén, o noso loureiro que vai estar moito mellor alí fóra, no seu hábitat natural con máis compañeiros vexetais, máis terra, aire fresco e agua da choiva.

   Explicáronos que hai plantas das que comemos a folla como a leituga, outras das que comemos as raíces como a cebola e outras das que comemos o froito como a sandía.

   Pasámolo xenial plantando, escoitando as explicacións, regando e vendo como os nenos e nenas de 4 anos, da Sementeira, gravaban noticias para o seu telexornal. Foi unha mañán interesante e divertida.

O CUMPLE DE YEICO

    Onte martes, tivemos de novo unha celebración na Pementeira: o aniversario de Yeico. Aquí imos a toda velocidade, os nenos e nenas non paran de cumplir 6 anos e están encantados e felices por facerse maiores e por compartir festa e doces cos amiguetes do cole.

   Yeico trouxo un biscoito superchulo, nada máis e nada menos que coa lenda de Maui cando intenta ralentizar a velocidade do sol para que os días sexan máis longos.

Despois de apagar as candeas, dun único soplido, tocou repartir os doces (porque había dous) e non pensedes que sobrou nada porque non quedaron máis que migallas. Con aplausos e risas, Yeico xa forma parte do grupo de nenos e nenas de 6 anos.