VAI CHEGANDO O NADAL

Vai chegando o Nadal e estamos xa mergullados na decoración do corredor de infantil. Por suposto, de novo teño que agradecer ás familias a súa colaboración para encher de estrelas o noso teito. As primeiras estrelas de Nadal que chegaron foron as de Mariña, Enzo, Daniel, Valeria e Noa. ¡Mirade que alegres e vistosas lles quedaron! O noso corredor está quedando ben bonito, cheo de luz e de boas vibracións.

E aínda que estamos acercándonos ao Nadal, nós seguimos co noso proxecto de arte. E o venres chegaron máis recreacións de obras de arte á Pementeira. A verdade é que estou supercontenta coas aportacións que estades facendo as familias, porque  os nenos e nenas están simpatiquísimos representando diferentes personaxes  e así imos coñecendo a moitos artistas e as súas creacións. ¡Mirade que fantásticas recreacións fixeron Valeria (que tamén nos trouxo unha foto súa cunha reproducción do Guernica de Picasso), Mario,  e máis Enzo! ¡Están xenial!

 

Valeria como a "Mona Lisa" ou a "Gioconda" de Leonardo da Vinci.

 

Mario recreando "El hijo del Hombre" de Renè Magritte.

 

Enzo ou miniValle-Inclán disfrutando dun breve desscando na Ferradura de Santiago de Compostela.

¡Non me digades que non están xenial!¡Parabéns familias! e grazas pola vosa participación.

RECREANDO OBRAS DE ARTE 2

      O venres chegou á Pementeira  unha nova aportación para o noso xogo de recrear obras de arte . Nesta ocasión, Hugo converteuse nada máis e nada menos que na Estatua da Liberdade ("A liberdade guiando ao mundo") de New York. ¡Mirade que ben o fixo! Hai que recoñecer que posou con toda a dignidade e a gran presencia da coñecidísima estatua de Bartholdi. 

 

           Como curiosidade, a estructura de ferro  interna da escultura foi feita por Gustave Eiffel. A estatua foi un regalo dos franceses aos estadounidenses.

        Seguimos recibindo cousiñas para o noso recuncho de obras de arte do mundo: Rafiña trouxo unha imaxe dunha cabaña de madeira de Brasil, e Mracos trouxo unhas fotos moi divertidas da súa familia (incluído el mesmo sendo aínda bebé) caracterizada coma as personaxes da serie de debuxos animados "A volta ao mundo en 80 días" que nós vemos de cando en vez na aula.

            Por outra banda seguimos traballando na pintura  de Vincent van Gogh. Estamos facendo cada día un pouquiño, un cachiño da obra para ir observando os elementos que compoñen o debuxo e as cores que teñen e ir avanzando na distinción de fondo e figura. Tamén imos vendo que ás veces é importante deixar secar unhas cores antes de aplicar outras e traballamos a paciencia e a capacidade de esperar antes de obter un resultado inmediato.

       E para rematar esta entrada, déixovos un par de vídeos: un deles é dun xogo motriz que facemos de vez en cando na aula de psicomotricidade e outro dunha sesión de debuxo libre na aula con música de Strauss.

     Veredes  como, en xeral, é un grupo tremendamente participativo e moi activo, con ganas de falar e de moverse.

MÁIS APORTACIÓNS PARA O PROXECTO

     Seguimos recibindo aportacións variadas para o noso recuncho do proxecto "A volta ao mundo en obras de arte". A verdade é que xa tiven que ampliar o espazo adicado a este tema porque se quedaba pequeno. Agora estou intentando organizar ben todo o material para que poidamos ir observando os obxectos e as fotografías e, consecuentemente, vaiamos aprendendo moitas cousas.

       Hoxe chegaron cousas moi interesantes:

    Marcos trouxo dúas maquetas chulísimas da Catedral de San Basilio que está en Moscú e do Taj-Mahal (que é o nome dun dos equipos da aula)

      Gabriel trouxo un CD cunha selección de obras musicais, por exemplo algúns valses moi coñecidos.

          Sara Castaño trouxo dúas imaxes do Cristo do Corcovado en Río de Xaneiro.

       Alejandro Vázquez Rodríguez chegou emocionado cun calendario maya, unhas reproduccións dus cadros de Mondrian e Pollock e unha revista con moitas fotos de monumentos de Galicia como a Catedral de Santiago.

    Por outro lado seguimos traballando con obras de arte: observándoas, reflexionando sobre elas, imaxinando o que lles ocurre ás personaxes representadas... Esta semana estivemos pintando o "Home triste", como nós lle chamamos, de Vincent van Gogh.

Estamos pintando despaciño, concentrados, procurando que o resultado sexa moi parecido ao que logrou Van Gogh. Así imos comprendendo que os pintores teñen que ter bo pulso e capacidade de "meterse" no seu traballo con todo o seu espíritu e, ademáis, cando vemos os resultados sentímonos tan importantes coma os artistas que estamos coñecendo grazas a este proxecto.¡É xenial comprobar que cando nos esforzamos somos felices! ¡O traballo ben feito é un premio! Xa vos mostraremos o resultado final.