MIL COUSAS

   Esta entrada ten un título un tanto peculiar porque, pensaredes vós, non dá moitas pistas sobre o tema principal do que imos falar. Pero así son moitos días no cole e na Pementeira, cheos de actividades e ao longo desta semana, como nos gusta en infantil, fixemos MIL COUSAS: cantamos, bailamos, practicamos ritmos, facemos ioga, modelamos, lemos libros, xogamos... Hoxe foi un día moi completo e pasámolo moi ben.   

      Empezamos a rutina "Venres:100% saudable" tomando froita para merendar. Todos os nenos e nenas que trouxeron froita de merenda colocaron un gomet no panel, que temos na aula cos nomes de todos os pementeiros/as, para ir enchendo ao longo do curso.

   Os papás e mamás, e os pementeiros/as tamén, teñen que ter presente que o gomet só se consigue se a merenda deste día consiste en comer froita (non vale traer outras cousas para "completar", se a merenda parece pouca pois hai que traer máis froita; o reto consiste en facer do venres un día distinto, comendo máis sano e evitando galletas, boliños e outros alimentos que os máis pequenos xa toman de xeito cotián). Quedan moitos venres por diante e os que queiran superar este obxectivo 100% saudable teñen tempo aínda pero, recordade, comer froita é comer froita, así de simple, non é beber un zume envasado, non é traer un cachiño de mazá e comer unhas galletas, non é tomar un iogur con sabor a fresa... A froita é necesaria, é agradable, é beneficiosa e esta proposta (recordade que é voluntaria, non hai sanción de ningún tipo por no participar) pretende que os nenos se habitúen a a inxerila e apreciala. Non hai premio se non hai implicación. ¡Ánimo e a seguir participando no reto! Os venres serán 100% saudables comendo moita froita... e practicando ioga!

      Pero facemos moitas máis cousas. Nesta semana estivemos observando un peixe globo auténtico, e coral, que  trouxo a teacher Bea (para todos os nenos e nenas de  infantil) e nos deixou abraiados.

                                     

    Disfrutamos un montón lendo libros sobre o mar, observando as magníficas fotografías dalgúns libros (concretamente o libro que trouxo Carmen causa furor na Pementeira, e non me extraña porque é impresionante).

   E cada día parece que nos gusta máis modelar coa plastilina. Alejandro Vázquez Seco está moi animado co proxecto do mar e está descubrindo que pode reproducir moitos animais mariños. ¡Gústame ver como se esforza en poñerlle os elementos que os caracterizan! Modelou un peixe globo, un tiburón martelo e un cachalote.

 

   Icía, Mario e Alejandro Vázquez Seco modelaron tartarugas igualiñas que a nosa Moby Dick.  E Enzo e Óscar fixeron medusas.

 

    E aínda estamos a recibir cousas para o recuncho. Alejandro Vázquez Seco trouxo un cabaliño   de mar (ou hipocampo como agora nos gusta chamarlle) precioso que lle mostrou con moito coidado a todos os compañeiros/as.

    Enzo trouxo outro peixe e unha ostra cunha perla feitos por el na casa e que lle quedaron moi ben.

    Estamos aprendendo moitas palabras novas con este proxecto Nautilus. O outro día lendo unha adaptación do magnifico relato de Julio Verne  "20.000 leguas de viaxe submariño" coñecemos un animal chamado NARVAL que é parecido a unha balea e un cachalote e que ten o corpo con manchas no lombo e a barriga blanca e unha especie de corno, un dente moi longo e estreito, que aos pementeiros lles recordou a un peixe espada.

  Ese "corno" do NARVAL pode medir 2 metros, así que empregando unha cinta métrica debuxámolo no chan e comprobamos que é tan longo como dous nenos. ¡Mirade!

E sempre, sempre, cantamos moito...