PRESENTACIÓN INSTRUMENTOS AFRICANOS: KASS-KASS E MARACA CON TRUCO

Seguimos coñecendo instrumentos musicais africans e e disfrutando con eles. Nesta ocasión tocoulle o turno a un intsrumento de percusión bastante peculiar que se chama KASS-KASS. Pero hai que dicilo todo, a pesar de que parece un artiluxio moi sinxelo, non é nada, nada fácil de tocar. De feito, algúns pementeir@s non foron quen de facelo.

E aquí está o vídeo que demostra o difícil que é tocar os KASS-KASS pero que se pode conseguir. Atendede á estupenda presentción que fixeron Alonso e Alba.

 

E, por último, Anxo fixo a presentación dunha maraca con truco. ¡Mirade!

HATHOR

Onte foi día de reto, e este último enigma que os pementeiros tiñan que resolver estaba relacionado coa decoración do noso corredor de infantil, concretamente con esta imaxe:

A pregunta era: ¿Quen é esa deusa exipcia representada na pintura, e como se chama ese "bastón" que leva na man?

Pois aquí están os gañadores do día coas súas respostas:

 Como vedes, o nome da deusa é HATHOR, deusa do amor, a alegría, a danza e as artes musicales. Recoñécese polos cornos de vaca que leva na cabeza e o disco solar. Os tres investigadores trouxeron correctamente o nome da deidade pero só Inés apuntou o nome do "bastón", SISTRO, un talo de papiro.

¡Parabéns aos gañadores! Pero, tamén, quero felicitar aos que o intentaron e trouxeron unha resposta (aínda que non fose a correcta). Seguide intentándoo. Veredes que ben vos sentides cando acertedes e poña a vosa resposta e a vosa foto no blog. E o mismo lles digo aos que aínda non o intentaron nunca. ¡Ánimo! ¡Investigar é divertido!

 E como o día empezou con tema exipcio, pois aquí vos deixo unhas fotos dos faraóns da Pementeira.

 

PRESENTACIÓN INSTRUMENTOS AFRICANOS:MARACAS

As maracas son instrumentos de percusión  idiófonos. Sábese que, desde fai milleiros de anos, foron empregadas en moitos lugares do mundo. E África ten unha gran variedade de maracas, normalmente feitas con cabazas e sementes ou pequenas cunchas, como os cauris. Xa fixemos a presentación das AXATSÉ (ou SHEKERÉ) e as CAXIXI que son tipos de maracas. Hoxe estivemos tocando unha nova maraca (aínda que sempre se tocan dúas á vez, eu só teño unha) que sabía que lle ía gustar moito aos pementeir@s xa que ten moitas cores e soa moi ben (non é moi tradicional pero é divertida).

 

 

E aquí está a presentación feita por Lucas (que lle saiu á primeira). igual quere ser reporteiro. O outro día algunha rapaza dixo que quería ser periodista porque así tiña que viaxar polo mundo para contar o que pasa. A ver se con estes "viaxes pementeiros" conseguimos que algún ou algunha se anime a escribir as súas propias crónicas.

 E para rematar, un par de cousiñas novas que chegaron para o recuncho africano: un libro de Alma e un dromedario de Lucía.