¡CANDELA XA TEN 4 ANOS!

Hoxe celebramos na Pementera o cumple de Candela que xa está feita toda unha moza de 4 anos. En realidade, o seu aniversario foi o día 14 pero non había cole así que a "festa" co resto dos pementeiros celebrámola hoxe coas tradicionais galletas que fan as delicias de nenos e nenas.

As candeas debían estar frescas tras a  Pascua e Candela un pouco cansada despois de tanto "gusanito loco" porque un pouco máis e temos que pedir axuda para apagalas.

 ¡¡¡POR FIIIIIN!

DE VOLTA AO COLE

Despois das vacacións de Pascua, chegou o día de regresar ao cole para reencontrarnos cos compañeiros e disfrutar das rutinas e actividades escolares. Hoxe como había moi pouquiños nenos e nenas no cole, os de infantil (de 3, 4 e 5 anos) estivemos todos xuntos. Primeiro estivemos falando das vacacións, na aula de 3 anos vimos un puzle novo (que chegou desde Holanda) e despois xogamos e merendamos xuntos (nun picnic pero a cuberto, na aula de psico, porque orballaba un pouco)

 A profe María troxo un ovo de chocolate grande que compartiu con todos os nenos e nenas, e coas profes ¡Grazas profe María!

E despois da hora do recreo, empezamos a facer unhas bolboretas que rematamos pola tarde. ¡Quedaron superchulis!