PASANDO LISTA V

Agora xa hai moitos/as pequepementeiros/as que queren que os grabe pasando lista para verse despois na casa con papá e mamá, claro. Así que aquí vos queda un novo vídeo con un Papá Pitufo e unha Pitufina pasando lista ao inico da xornada escolar onte e hoxe. Espero que o disfrutedes e animedes aos que aínda faltan para que tamén se encarguen desta tarefa diaria.

TRABALLANDO TRANQUILAMENTE

Hoxe conseguimos un pouquiño de tranquilidade e concentración á hora de facer o traballo na aula "A Pementeira". Non sabedes o contenta que estou de ver, por fin, a esta nova xeración de pementeiros/as traballando xuntos e concentrados, disfrutando da música. Non todo o día foi tan fácil pero imos dando pequenos pasos e cando temos un éxito así, aínda que pareza pouca cousa, gústame compartilo con vos.

PASANDO LISTA IV

Na Pementeira seguimos dándolle a oportunidade aos nenos e nenas de levar a voz cantante nunha das rutinas máis importantes do día, que é pasar lista para comprobar quen está no cole e quen quedou na casa. Penso que xa se vai notando que teñen máis soltura e xa teñen menos medo á hora de asumir unha pequena responsabilidade. Eu espero que, pouco a pouco, vaian descubrindo que participar nas tarefas e facer as cousas por un mesmo fai que nos sintamos ben, e que a recompensa é, precisamente, a satisfacción de superar pequenos obstáculos, de aprender cousas novas, de sentirnos importantes e capaces... Unha vez máis, aproveito para animarvos, pais e nais, a darlles oportunidades aos vosos fillos/as de facer as cousas por si mesmos, de animalos a que se esforcen e de facerlles ver que eles poden, que non son bebés e son capaces de facer un montón de cousas eles sós e que non son mamá e papá os que lle teñen que dar todo feito.

Por exemplo, hoxe cando lle preguntei a Anxo se quería pasar lista, el díxome que non. Entón pregunteille:

-E logo, ¿non queres ser hoxe Papá Pitufo? ¿Por qué non queres pasar lista?

Anxo contestou con toda a razón do mundo:

-Porque tomei mel con limón.

-¡Estupendo!-díxenlle eu- Seguro que vas ter unha estupenda voz para pasar lista.

Así foi. Pasou lista, fíxoo moi ben e el quedou moi satisfeito e contento porque os compañeiros lle deron un aplauso. Probablemente pensara quen non era quen de facelo pero descubriu que si podía. Anímovos a ver o vídeo e veredes a cara de Anxo ó final.

FESTA DO SAMAÍN E MAGOSTO

Onte, mércores 29 de outubro, celebramos no cole a Festa do Samaín. As aulas de infantil enchéronse de bruxas, esqueletes, monstros, cabazas, vampiros... Daba medo pasar por alí. Pero, a verdade é que o pasamos moi ben. Mirade que elegantes estaban todos...

Despois da sesión de fotos, a profe María fixo entrega do premio do concurso de bruxas. No ciclo de Infantil a gañadora foi Carolina, de 5 anos coa súa Familia Brujaltar.

E a continuación todo o mundo a bailar!

E para rematar unha xornada festiva, nada mellor que comer unhas boas castañas asadas aproveitando o día frío pero sen choiva.

Como vedes foi un día ben completiño. Agora a descansar uns días e á volta xa veremos que máis actividades nos esperan no cole.