¡CHEGOU O XORNAL!

     Por fin chegou o xornal do primeiro trimestre do curso 2018-19. Este é xa o séptimo exemplar que sae á luz de Novas de Infantil. os nenos e nenas da Pementeira xa estiveron hoxe lendo as noticias e observando con detalle todas as fotografías (o importante é sempre atoparse a un mesmo nas imaxes, claro). Espero que nas casas tamén disfrutedes deste resumo das actividades  do primeiro trimestre.

      Como xa sabedes, é difícil concentrar todo en tan poucas páxinas pero eu creo que todos nos podemos facer unha idea da cantidade de experiencias e vivencias que se suceden ao longo de tres meses no cole. ¡Espero que vos guste!

   

¡HUGO XA TEN 6 ANOS!

     Hoxe tivemos a primeira celebración de aniversario do ano 2019. Hugo é o primeiro pementeiro en cumplir 6 anos e estaba moi contento. Apagou as seis candeas de costume e, despois, todos xuntos disfrutamos dunha torta de améndoa e unhas galletas antes de saír ao patio.

 

 

    E como o tempo pasa tan rápido, a partir de agora seguro que todos os nenos e nenas da aula empezan a cumplir 6 anos a toda velocidade.

DE VOLTA E CON SORPRESAS

      Remataron as vacacións de Nadal e hoxe os pementeiros/as chegaron moi felices ao cole. Encantoume velos entrar con ilusión, con moitas cousas que contar, con enerxía... E aínda que facía frío, a nosa aula encheuse de calor cos sorrisos e os ollos curiosos de todos os nenos e nenas cando viron que había por alí algúns paquetes e unha carta misteriosa.

     

   Resulta que os Reis Magos tiveron o estupendo detalle de deixar uns agasallos na nosa clase. 
   O primeiro que abrimos era un libro superchulo. 
   Despois abrimos outro paquete máis grande que tiña... ¡maletíns para levar o pasaporte lector! 

     Os maletíns causaron furor entre os pementeiros/as pero resulta que como son todos iguais pois pensamos que quizá ía ser un pouco complicado distinguir cal era o de cada un cando empezaran a viaxar ás casas. Entón fomos lendo a carta que nos deixaron os Reis Magos e pensamos que quizá na bolsiña que nos faltaba por abrir podería haber algo que nos servira para "personalizar" os maletíns. É certamente así era...

         E resulta que aínda había máis sorpresas porque Yeico e Carmen trouxeron dous agasallos moi especiais que eu, personalmente, teño que agradecer de todo corazón. Yeico acordouse de pedirlle a Papá Noel uns libros para min que me encantaron  e que, por suposto, imos empregar na aula e disfrutalos todos xuntos. E Carmen pintou un cadro espectacular cun trisquel e unha dedicatoria que me emocionou. 

    Estou moi agradecida por estes agasallos, polo feito de que os nenos/as se acordaran de min nas vacacións e as súas familias estiveran aí mostrando o seu apoio. E estou encantada de que a volta ao cole fora tan alegre, con tantas apertas, con tantos sorrisos, con esa ilusión... de verdade. Seguro que este trimestre vai estar cargadiño de cousas boas.

GRAZAS A TODOS/AS

¡QUEDA INAUGURADO O SEGUNDO TRIMESTRE DO CURSO 2018-19!