Seguimos recibindo cousas para o noso recuncho artístico. Hoxe Daniel trouxo un montón de cousas da súa viaxe a Madrid. Eu quedei realmente sorprendida e cando vexades as imaxes seguro que entendedes por qué.
Encantoume que visitara o Museo do Prado e, xunto coa súa familia, aproveitaran para facer a recreación dunha obra de arte magnífica do maestro Francisco de Goya y Lucientes: "Os fusilamentos do 3 de maio". É unha obra dura e impactante, chea de dramatismo, na que destaca unha figura vestida dun branco luminoso, un home que, cos brazos abertos e recibindo a luz de cheo, está a piques de ser fusilado.
Pero Daniel trouxo máis cousas para a nosa aula. Mirade:
Eu non sei como é posible que viaxando a Madrid, Daniel sacara fotos dainte da Torre Eiffel, da Fontana de Trevi, do Manneken Pis, do David de Miguel Ángel...
¡Cantas cousas aprendeu Daniel nesta viaxe! E parece que o pasou requetebén.
Á volta das vacacións teremos que mirar con calma moitas das obras que chegaron estes últimos días ao cole. ¡A profe Teté vai ter que traballar nas vacacións para preparar materiais sobre todo esto que temos no recuncho! ¡Puuuuufff! Non sei se terei tempo entre celebración e celebración (terei que buscalo, verdade?).
Grazas, de novo, a todas as familias que vos estades implicando tanto neste proxecto. ¡É xenial traballar así!
E, por outra banda, hoxe estivemos rematando algunhas portadas para os traballos do primeiro trimestre.
