GALLETAS MONSTRUOSAS E CONTOS TERRORÍFICOS

Hoxe martes tivemos no cole un día típico da celebración do Samaín. Primeiro, Leo sorprendeunos cunha fonte de galletas monstruosas e apetitosas. ¡Mirade, mirade!

A verdade é que estas galletas son auténticas obras de arte e ademais deliciosas. Como son moi grandes, os pementeir@s non foron capaces de comer unha enteira cada un así que partímolas en cachiños e mañán aínda podemos comer outro pouco e dárllelas a probar aos compis das outras aulas. Moitas grazas aos papis de Leo por compartir con nos estas sabrosas galletas  que fixeron que este martes fora un pouco máis doce. E facer unha especial co nome da aula e da profeeeee.... iso xa é para matrícula de honor. GRAZAS!!!!!

Pola tarde... ¡¡¡¡CONTOS  DE  MEDOOOOO!!!! Mirade as cariñas dos pementeir@s, moi atentos ás historias que lles contaron os compañeiros de primaria na biblioteca.

Como vedes, no cole sempre hai cousas que facer e disfrutar. E mañán castañas e disfraces de medo!

LIBROS VIAXEIROS E MÁIS COUSAS DESTE LUNS

Hoxe, por fin, unha pementeira tivo a sorte de levar o libro OS  NOSOS  NOMES á casa para disfrutalo coa súa familia. A partir de agora cada día un neno ou unha nena, que se porte ben no cole, poderá levalo tamén. É moi importante que todas as familias teñades coidado para non perder ningunha das tarxetiñas que forman parte deste libro, pois ten que visitar 22 domicilios. Gustaríame que o disfrutárades cos vosos fillos e fillas, que xogárades con eles animándoos a buscar e colocar cada tarxeta debaixo do nome correspondente, a formar os nomes coas letras móbiles, a xuntar cada sol coa súa nube... Todos/as teñen ganas de levalo. Sei que unha tarde é pouco tempo pero en canto os 22  pementeiros/as o vexan unha vez, poderán levalo de novo en máis ocasións. Temos moito curso por diante para disfrutalo. 

Tamén vai un CD cunha presentación en power-point cos nomes e un vídeo en movie-maker cunha canción que lles gusta moito cantar a todos ( e que podedes escoitar premendo no cadro de Julia Minguillón "A escola de Doloriñas" que está na columna dereita deste blog) 

Tamén están levando ás casas dous pequenos libriños: "El caballito" e "Las vocales" cunhas sinxelas recitacións que nos axudan a familiarizarnos coas vogais e con algúns importantes monumentos e lugares do mundo.

Pasando a outras cousas, hoxe chegaron máis bruxas ao cole. ¡Mirade!

 Por último, aproveito esta entrada para dicirvos que na columna da dereita deste blog tedes un apartado que se chama Os nosos enlaces favoritos. Aí podedes premer no título da canción, ou do conto que os nenos/as queiran ver e xa vos enlaza co vídeo correspondente. Ata o de agora coloquei os enlaces de Corre, corre, cabaciña; Cocorico; O polo Pepe e unha canción en inglés que lles gustou moito chamada Go away, big green monster...

Irei engadindo máis enlaces de maneira que na casa os pementeir@s podan compartir con vos cancións, contos ou xogos que disfrutamos na aula.