CANTEIRA DE ESCULTORES

O Equipo de Infantil do Rosalía está sempre aproveitando as diferentes aportacións que podan facer as familias para proporcionarlles aos nenos e nenas experiencias variadas, significativas, estimulantes, creativas e enriquecedoras.

Onte venres, tococulle o turno ao papá de Carmen, de "A Sementeira",a aula da profe Ana, que desenvolveu un taller de modelaxe con todos os nenos e nenas de educación infantil.

Antes da chegada de Camilo Seira, na "Pementeira" estivemos falando sobre qué ser escultor, con qué materiais traballan e recordando os nomes e as obras dalgúns escultores.

Por exemplo, todos coñecían varias esculturas de CAMILO SEIRA que ven a miúdo por Padrón pero non sabían o nome do escultor:

                  

 A  SEMENTEIRA

O CICLISTA

O  PELEGRÍN          

  O MÉDICO DO POBO

 Tamén recordamos dúas obras de RAMÓN CONDE:











                 

 A PEMENTEIRA        

     MACÍAS "O NAMORADO"

E, por último, recordamos unha das esculturas que estivemos vendo dentro do proxecto "Con Galileo viaxamos polo ceo": "MERCURIO" de GIAMBOLOGNA.

Despois de tanta información chegou a parte máis creativa e de máis traballo: O TALLER DE MODELAXE.

Antes de nada, Camilo mostroulles  aos nenos e nenas algunhas das súas obras feitas en diferentes materiais. Todos contemplaron con moita atención as esculturas. 

 Despois explicoulles que antes de poñerse a modelar, é necesario plasmar nun papel o que queremos facer despois coa plastilina (que era o material co que íamos traballar).

Así que os peques de infantil intentaron debuxar o que querían modelar despois. Esta parte non é moi fácil para eles xa que soen ser moi impulsivos e cóstalles moito planificar por adiantado o que queren facer. Aínda así houbo algúns que foron capaces de facelo.

 Dámoslle as grazas a Camilo Seira e, agora, temos que seguir traballando nas aulas nestas cuestións e noutras moitas.
E, grazas tamén a Merce Ares que veu sacar unhas fotos do taller, a Uxía López e A Voz de Galicia por facerse eco da experiencia así como do traballo do Equipo de Infantil no proxecto do Universo.

O HOME DA LÚA

Hoxe na Pementeira estivemos lendo un dos nosos relatos favoritos: O Home da Lúa, tamén coñecido como HL.

Estas son algunhas das ilustracións do libro: o Clíper-Lúa, a familia de HL, o malvado Sombra (o Rey dos Pesadelos), os lunabots e os lunatóns, os gusanos de luz, as fermosas bolboretas lunares...

A historia está chea de elementos fantásticos que manteñen o noso interese na lectura: a familia que se ve ameazada polo temible Sombra, o amigo fiel Luz Nocturna, a batalla entre a luz e a escuridade e, finalmente, o triunfo da bondade. Para os nenos é tranquilizador pensar que sempre hai alguén que os coida e para iso se crearon os Guardiáns da Infancia. Pero para ser un bo Guardián da Infancia é preciso facer un xuramento. E os Pementeiros, que xa lle están collendo o gusto a isto do artisteo, quixeron hoxe facer o seu propio xuramento e que eu os gravara, claro (agora xa temos que deixar constancia de todo o que facemos no cole para poder compartilo cos papás e mamás na casa). E aquí tedes o profundo e sentido xuramento destes Guardiáns da Infancia pementeiros.

¿Como o vedes? ¿Sábense meter na historia, ou non?

E agora, comparto convosco unha canción dos Beatles (xa que últimamente estivemos disfrutando tanto con The Octopus´s garden de Ringo Starr) que se titula Across the Universe. Tamén a escoitamos moito na aula mentres traballamos e xa "chapurrean" a letra como poden. Encántame escoitar como cantan no seu "pementeirenglish". E todo vai quedando gardado aínda que, de entrada, non entendan nada.

¡Uffff! ¡Que mañán tan intensa! E despois aínda tivemos un taller de modelaxe...

Pero iso é outra historia...

UN LIBRO

Hoxe tivemos un fantástico día na "Pementeira" . Os ensaios do festival resultaron realmente productivos. Tiven que felicitar aos bailaríns e bailarinas porque o fixeron xenial. E aínda temos uns días para pulir pequenos detalles. De todos os xeitos se o fan coma hoxe, penso que os papás e as mamás ides disfrutar moito coa actuación.¡Esperamos recibir moitos, moitos aplausos!

Despois de empezar a xornada bailando, que sempre é estupendo, disfrutamos da lectura deste "conto"...

A primeira vez que o vimos na aula foi impresionante. Pero non temos un rexistro audiovisual desgraciadamente. Non sabedes o que me gustaría que vírades o que eu vin. ¡Teño que sacar o sombreiro ante o señor Hervé Tullet!

Aínda así, hoxe repetimos a experiencia e tamén o pasamos moi ben. Déixovos o vídeo para que comprobedes que "Un Libro" ten moita maxia, é interactivo,move á acción, crea expectativas, dá auténticas sorpresas, provoca risas ... e todo iso, con follas de papel branco e círculos de cores. Máis sinxelo non pode ser, e máis creativo tampouco. Un libro pode emocionar máis que unha tablet. ¡Mirade!

OCTOPUS´S GARDEN

Estes días estamos empezando as mañáns cantando en inglés a animada canción de Ringo Starr   "Octopus´s garden". Déixovos dous vídeos: un para que poidades ver na casa a historia que se conta na canción con debuxos animados, e outro dos pementeir@s cantando con moito ritmo hoxe pola mañán. Espero que vos gusten. A min encántame a canción e encántame velos e escoitalos cantar a eles (e tocar a guitarra eléctrica, claro).

PICNIC

¡Como nos gusta merendar fóra! E a medida que vai vindo o bo tempo, xa podemos facer un picnic de cando en vez.