DÍA DO ESCRITOR AFRICANO

     Hoxe, 7 de novembro, é o Día Internacional do escritor Africano. Así que aproveitamos para recordar que non so hai creadores de boas historias en Europa senón que noutros continentes, e de xeito moi especial en África, hai toda unha tradición de relatos moi interesante, rica e de enorme creatividade que nos fai experimentar emocións intensas. Por iso hoxe tocaba sí ou si ler un relato africano cheo de maxia, de forza e de valores ... E non podía ser outro que...

KIRIKOU E A BRUXA.

     Non sei se algún neno ou nena vos diría algo na casa, pero o que eu podo dicir é que  a historia triunfou na Pementeira. Sei que a todos/as lles gustan os contos e esa primeira hora da mañán escoitando un relato e conversando sobre el é un dos mellores momentos do día, pero hoxe había máis atención que nunca, máis emoción contida, máis risas espontáneas e máis interese aínda do habitual e iso e só mérito do xenial KIRIKOU. Despois descubrimos que tíñamos na aula nada máis e nada menos que a Bruxa Karabá e ata tivemos tempo de ver un cachiño da peli de Kirikou (porque tamén ten peli). 

    Tamén traballamos ao ritmo da música da película de Kirikou, que escoitamos con bastante frecuencia...

    E aprendemos cancións africanas como "Olelé Moliba Makassi" o "Amawolé" coas que practicamos ritmos diferentes e ata idiomas completamente descoñecidos para nos.