Xa remataron as vacacións de Pascua e volvemos ao cole aínda que, como nas operacións retorno de todos os períodos vacacionais, de xeito progresivo. Hoxe viñeron 10 pementeiros/as ao cole e foi un día un tanto peculiar pero moi divertido.
Fixemos un florido colgante de primavera que quedou superchulo e os nenos/as levaron para as súas casas (non sei se o porían pola rúa para celebrar o último día da Pascua padronesa, pero como veredes nas fotos ían moi elegantes).
Merendamos fóra, levamos xoguetes e fixemos un recreo un pouquiño máis longo do habitual. Comprobamos que algúns dos bulbos xa brotaran e había uns fermosos tulipáns e regamos.
E agora a aproveitar ben este último trimestre do curso. ¡Como pasa o tempo!
No hay comentarios:
Publicar un comentario