EXPERIMENTO COA COR 3

          Empezamos a xornada do martes lendo un conto moi interesante titulado "EL PAÍS DE LAS PULGAS" que nos axuda a comprender que todos somos diferentes pero, aínda así, ou precisamente grazas a iso, podemos disfrutar e pasalo ben todos xuntos.

  
      Logo a protagonista do día foi unha nova Willy Fog que fixo moi ben o panel aínda que sin sombreiro porque lle tapaba os ollos. E que seguramente o Willy Fog que nos prestou o disfrace tiña a cabeza máis grande que Icía. De todos os xeitos ela estaba encantada de poder ataviarse coa chaqueta e a garabata vermella.

       

      Despois de facer o panel estivemos recordando cales son as cores primarias. Moito pementeiros xa sabían que son o amarelo, o vermello e o azul. Así que empezamos unha actividade impresa na que escribimos os nomes das cores e pintamos tres círculos cada un de unha desas tres cores primarias. Un pementeiro ata se animou a escribir el só a palabra "vermello" na pizarra.

     Todos fixeron a ficha moi ben, estamos avanzando pouco a pouco na escritura copiando palabras. Ás veces pode costar un pouquiño se nos despistamos no medio da palabra e non recordamos en que letra estábamos, pero teño que dicir que a maioría da clase prestou atención e o resultado foi satisfactorio.

    Despois fixemos un experimento moi vistoso precisamente coas cores primarias e con leite. Aos pementeiros/as chamoulle moito a atención que eu botara leite nunha cubeta para facer un experimento. Pero gustoulles moito ver o resultado aínda que se puxeron un pouco nerviosos porque todos queren ter a vista máis privilexiada e parece que querían facer coma Cleopatra e bañarse no leite. Pero, en fin, aquí vai o proceso e algunhas fotos do resultado.

         1.- Botamos leite nunha cubeta.

    2.- Botamos colorante alimenticio de cor amarela, azul e vermella pero sen mesturalos.

                3.- Cun bastonciño de limpar os oídos, impregado en xabón de lavavaixelas, tocamos suavemente as cores e estas empezan a moverse, a expandirse e a mesturarse  dun xeito ben chamativo. Así van xurdindo novas cores. ¡Mirade!