MÉRCORES DEPORTIVO

      Xa estamos na víspera do día grande e hoxe o Meco mandounos ter un mércores deportista. Nós. os nenos e nenas de infantil e as profes, metémonos no papel e escollemos diferentes deportes para aproveitar un día máis de sol, e vivir de maneira sana e activa.

       E hoxe o noso Willy Fog foi Aleixo que estaba desexando ser o protagonista do día. Aquí o tedes facendo o panel concentrado na súa tarefa.

     E agora a preparar todo para mañán. espero que os nenos e nenas de infantil veñan todos ben guapos e con moitas ganas de bailar e demostrar o ben que fan as cousas cando eles queren.

MATISSE

       Ultimamente estivemos coñecendo a un novo artista: Henri MATISSE.  Primeiro lemos unha historia sobre a súa visa e aprendemos que Matisse empezou pintando cadros pero, despois, empezou a recortar papeis de cores e a facer COLLAGES.

       Despois estivemos vendo algunhas das súas obras. Dúas das máis coñecidas son: "A herba" e "O caracol"

           A primeira delas, foi máis comprensible e evidente  para os pementeiros/as. Todos eles decían que vían follas, unha árbore e cousas semellantes... Pero o caracol non o vía ninguén (vían ata unha camioneta cargada de cadrados pero o caracol non aparecía por ningures), nin despois de que eu lle explicara que parte se supón que é o corpo do caracol,  e qué parte é a cuncha (formando unha espiral).

          Entre todos os nenos e nenas de infantil (de A Sementeira e o Paseo do Espolón xunto connosco) decidimos reproducir en grande o collage "A Herba". En primeiro lugar, entre todos, pintamos esas formas que semellan  elementos vexetais. Despois recortámolos e, finalmente, empezamos a organizar a composición tratando de que recordara a orixinal de Matisse. Hoxe coloreamos as letras que forman o nome do autor e colocamos todo na aula de psico. ¡Quedou espectacular!