Xa sabedes o que me gustan a min estes títulos no blog porque representan perfectamente o que é un día calqueira na aula saltando dunha resta a unha fresa ou a un quelonio. Aquí todo pode convivir e no noso día a día temos tempo para todo...
Sei que algúns nenos/as xa o comentaron na casa, e é certo, neste terceiro trimestre xa empezamos a facer restas. O concepto está perfectamente comprendido e agora hai que ir prestando atención aos signos das operacións matemáticas para saber se temos que sumar e restar. Xa fixemos algunhas restas no papel e, por suposto, xogando ou facendo o panel. E onte estivemos practicándoas na PDI, e todos querían sair á palestra. ¡Que ben! Parece que non teñen medo de facer cousas novas diante do resto do grupo e iso paréceme estupendo.
Na hora da merenda levamos unha sorpresa porque Manolo trouxo fresas para todos e, como algúns nenos/as non trouxeran merenda, tamén abrimos unha caixa de galletas que nos quedara en reserva desde o cumple de Dani. Sobra dicir que aínda despois de merendar, había ganas de galletas e non quedou nin unha.
E hoxe fixemos unha actividade impresa sobre os quelonios que a todos os pementeiros/as lles saiu moi ben. Mirade!
