¡Outro cumple na Pementeira! Onte celebramos o cumple de Mencía e fixémolo arredor da "Árbore das Palabras" ou como dixeron os peques de 3 anos a "Árbore das galletas". Mencía trouxo un espectacular baobab (feito polo artista do seu papá Diego ) cargadiño de galletas "africanas" feitas pola súa tía que, con unha boa dose de creatividade, representou as pelaxes de diferentes animais (cebra, xirafa, leopardo, serpe...), o mapa de África, o baobab, o lago Tanganika... En fin, tanto o gran baobab como cada unha das galletas son auténticas obras de arte. ¡Hay familias que nunca deixarán de sorprenderme! ¡É fantástico como se mergullan nos proxectos do cole e axudan aos seus nenos/as -e ao resto da clase- a sentirse motivados e felices co que aprenden! ¡GRAZAS!
Os pementeiros e pementeiras quedaron tan impresionados coma min, sen dúbida. E estaban desexando probar esas galletas tan chamativas e cheas de cores...
Mencía apagou as candeas, escoitou a canción de cumpleanos feliz e, finalmente, chegou o momento de comer as galletas. ¡Foi un cumpleanos precioso!
As profes de infantil tamén probaron as "galletas de baobab" e quedaron impresionadas coa sorpresa que nos trouxo Mencía.
No hay comentarios:
Publicar un comentario