No cole estamos facendo unha exposición de fotos de alumnos/as, pais e nais, profes e outros compoñentes da comunidade educativa (coidadoras, cociñeiras, conserxe, profesores das actividades da AMPA, limpiadoras etc). O interesante desta iniciativa é que as fotos teñen que mostrar aos protagonistas das mesmas lendo. Lendo na casa ou no cole, no campo ou na cidade, en soidade ou en compañía, sentados ou deitados... é dicir, lendo como máis nos guste facer a cada un de nós e co libro ou a revista que queiramos. Porque do que se trata é de mostrar a todo o mundo que ler é agradable, divertido, entretido, relaxante, excitante e vital.
Aquí vos deixo algunhas fotos da exposición e se vos fixades, seguro que descubrides algún "lector" un tanto peculiar. ¡A ver quen o atopa!
No hay comentarios:
Publicar un comentario