UNO DE LOS PRINCIPALES OBJETIVOS DE LA EDUCACIÓN DEBE SER AMPLIAR LAS VENTANAS POR LAS CUALES VEMOS AL MUNDO. Arnold H. Glasow

viernes, 29 de abril de 2016

FERMOSAS CASAS PINTADAS

O último reto na Pementeira foi averiguar en que tribu africana as mulleres pintan as casas por fóra con debuxos moi elaborados e con moitas cores. Xa lles avisei a todos os que tiñan ganas de investigar que, probablemente, atoparan dous pobados (polo menos) nos que a decoración exterior das vivendas era bastante elaborada e chamativa, un deles chamaba máis a atención polas cores vivas e o outro tiña. pola contra, cores marróns, ocres, branco... Calqueira das dúas posibilidades sería válida.
Ben, pois unha vez máis, teño que felicitar a estes intrépidos investigadores que atoparon esta información tan interesante. Aquí podedes ver aos gañadores do reto:


 




Pois como vedes, a tribu que decora as súas casas con tanto estilo e orixinalidade é a NDEBELE. Os Ndebele viven en Sudáfrica e Zimbawe. Empregan motivos xeométricos e abstractos  na decoración das vivendas e soen ser as mulleres as que realizan esa labor.

A outra resposta que tamén era perfectamente válida, era a referida aos Kassena que viven en TIEBELE, un pequeno poboado no sur de Burkina Fasso, na fronteira con Ghana.

 

Na Pementeira, os nenos e nenas teñen África moi presente no día a día e cando xogan coa plastilina modelan xirafas, a Kirikú e a súa casa ou as Pirámides de Gizeh.



 Esta semana tamén estivemos pintando ceos "africanos" coas acuarelas. Despois de ver algunhas imaxes de atardeceres na sabana e de observar as cores vermellas, laranxas e amarelas que predominan neles, convertímonos en artistas e pintamos uns ceos ben vistosos.
 





























Mentres esperamos que secaran as acuarelas (para poder estampar os animais cos selos) tivemos tempo de facer puzzles e ler libros de África.


E, unha vez secos os traballos, comezamos a estampación.

                                     
                                     



E así foron quedando as nosas obras de arte.
























No hay comentarios:

Publicar un comentario