UNO DE LOS PRINCIPALES OBJETIVOS DE LA EDUCACIÓN DEBE SER AMPLIAR LAS VENTANAS POR LAS CUALES VEMOS AL MUNDO. Arnold H. Glasow

jueves, 22 de octubre de 2015

CONCURSO DO SAMAÍN E MÁIS COUSAS

Está achegándose a celebración do Samaín e o cole Rosalía ten convocados un par de concursos para encher os corredores de relatos de suspense,  imaxes terroríficas e bruxas malévolas. Na Pementeira houbo moi pouquiña participación, así que quero felicitar aos que se animaron a facer algo para decorar o cole.
¡Parabéns para Inés, Alba, Samuel e Leo!








 Por outra banda, seguimos investigando e aprendendo cousas sobre África. Os pementeiros seguen traendo cousiñas para o recuncho que está e medrar...
Anxo trouxo información sobre o Mundial de Fútbol do 2010 que se celebrou en Sudáfrica e gañou España. Lucas trouxo dous documentais sobre Exipto.
Nora trouxo un libro titulado "Palabra de Cocodrilo" e Antía uns animais da sabana.



 Mencía trouxo un libriño dunha nena africana, no que se pode pintar e poñer pegatinas.

Roi fixo, coa súa avoa, un mural sobre os instrumentos africanos e explicoullelo aos compañeiros. Estaba moi orgulloso do seu traballo.




Mariña trouxo unha cestiña como a que empregan os encantadores de serpes na India e tamén nos países do norte de África como Marruecos, Túnez ou Exipto. ¡É preciosa! Agora xa temos cesta para meter a serpe que trouxo Nora e poder tocar a frauta para que saia danzando.

 Leo trouxo un elefante de xoguete (porque un de verdade igual non nos cabe na aula). E Nora trouxo unha cerbatana e un tambor Den-Den.


Alma trouxo un león e un hipopótamos de xoguete.


E así vai quedando o noso recuncho africano (que teño que ir ampliando)...

 

 
Seguimos facendo o panel con novos xefes e xefas Mossi cada día. Mirade ...

















No recreo, algúns pementeiros/as quixeron facer o Mnte Kilimanjaro coa area e posaron para a cámara así de satisfeitos.

 E, por fin, rematamos de pintar todos os países do continente africano.













No hay comentarios:

Publicar un comentario