Seguimos explorando as técnicas e os estilos pictóricos de diferentes artistas plásticos. Hoxe estivemos observando e comentando pinturas de Piet Mondrian, un pintor holandés un tanto peculiar xa que, despois de anos de investigación chegou á abstracción xeométrica (empregaba sempre liñas horizontais e verticais e, de feito, rompeu a súa relación artística con Van Doesburg porque este empezou a utilizar liñas diagonais nos seus cadros!) e decidiu empregar unicamente cores primarias (como anécdota, contan que na súa casa estaba prohibida a cor verde).
Pois ben, despois de descubrir a Mondrian, estivemos pintando un cadro coma os del e quedou ¡FANTÁSTICO!
E coas nosas obras de arte, estamos empezando a organizar un auténtico museo. Mirade como quedan os cadros de Pollock e Mondrian xa enmarcados e listos para colocar.
Vendo as obras de Mondrian, descubrimos que un amiguiño noso que se chama Elmer se parece moito ás pinturas deste famoso pintor.
Están feitos uns artistas. Visto así en fotos, calquera diría que é orixinal. Como sigan así, a cuadro por día, a final de curso temos unha pinacoteca máis grande co Museo do Prado,. Que maravilla!
ResponderEliminarA verdade é que estamos traballando moito e son moitos nomes (novos para eles), moita información diferente e, claro, ás veces é complicado pronunciar todo perfectamente por un lado ou recoñecer todo o que din eles polo outro. Certamente se imos traballando a este ritmo, o recunchiño de infantil do cole vai quedar espectaculaaaaar!Eu estou encantada véndoos pintar con esta tranquilidade e concentración, e sempre saen voluntarios, non teño practicamene que insistirlles. ¡Están facendo que sexa fácil convertirse en artistas de verdade!
ResponderEliminar