OUTRA CAIXA DE PANDORA

    Alá polo mes de outubro xa coñecemos mito da Caixa de Pandora. Foi unha historia que lles gustou moito aos pementeiros/as así que decidín representar ese relato mitolóxico facendo que participasen os nenos e nenas simbolizando por unha bando todos os males que saíron da caixa mediante expresións faciais desgradables e, por outra banda, simbolizando a esperanza que quedou no fondo cun rostro relaxado, feliz e agradable. Porque no fondo dentro de cada un de nos se esconden cousas como o enfado, os ciumes, a dor, a ira, a envexa... pero tamén podemos sacar do noso interior cousas fantásticas como o amor, o respecto, a solidaridade, a comprensión, o afán de aprender... Así pois, en nos mesmos reside a esperanza. A esperanza de poder lograr cousas boas, de cambiar este mundo cheo de inxusticias, de guerras e de enfermedades. Iso é o que estou tratando de transmitirlles a estes peques: que aínda que moitas veces nos pelexemos, nos enfademos ou nos comportems de forma  inaxeitada, podemos darlle a volta a situación e tratar de modificar as nosas conductas convertíndoas en actitudes máis positivas. A fin de contas, os nenos/as son a esperanza dun mundo mellor, non?

   E aquí está o resultado final da nosa representación persoal do mito da Caixa de Pandora. Penso que aos nenos/as lles gustou moito o resultado final. Espero que a vos tamén vos guste.