Estes días estamos facendo as nosas tarefas habituais na aula pero con moitas baixas, porque a varicela está deixando A Pementeira sen alumnos/as. Esperamos que se vaian recuperando prontiño todos os nenos e nenas porque xa temos ganas de velos. Seguimos disfrutando co disfrace de Willy Fog. Os últimos encargados que tiveron a sorte de vestirse como o protagonista de "A volta ao mundo en 80 días" foron Mario e Noa que estaban moi elegantes, leoninos e alegres. Dame tanta envexa velos tan guapos que hoxe ata me disfracei eu coa garabata, a máscara e o sombreiro (porque a chaqueta non me sirve, claro).
¿Non me diredes que os pementeiros/as non están elegantes para pasar lista, non?
Rematado o noso cadro de Kandinsky, xa está colocado no seu marco xunto con "Amapolas" e "Cala amarela" de Georgia O´Keefe e "Bodegón" de Cezanne. O noso corredor-museo está quedando moi ben.
Como veredes no vídeo que aparece a continuación, con menos nenos/as tamen é moito máis sinxelo estar tranquilos e traballar con calma e disfrutando da música clásica. Temos máis espazo físico, máis oportunidades de falar e menos elementos distractores, claro, pero aínda así, temos que dicir que botamos de menos aos nenos que faltaron ao cole porque formamos un equipo fantástico que agora está incompleto.
Pois que están elegantes para pasar lista , guapos no , guapisimos,os compis que faltan tamen vos votan de menos
ResponderEliminarGracias pila parte q nos toca. Marcos xa esta moito mellor. Quedanlle ainda alguns graniños sin secar pero a maioria xa están secos. Un bico a todos e OS q están tamen coa varicela a recuperarse para volver con moitas ganas
ResponderEliminarJolin si se vos vota de menos....Enzo todos os días nada mais se levanta vai mirar a ver se lle pasaron os granos para ir o cole. Mami dille a Teté que xa me están pasando os granos, e a verdade e que si,xa lle están secando todiños, este pementeiro xa está a piques de incorporarse. A recuperarse todos os que están coa varicela e a volver pronto!!!!
ResponderEliminarA verdade o meu fillo está soiño pero ¡¡¡logo se incorporarán os seus compañeiros de clase!!
ResponderEliminarComo traballan e que concentrados,¡¡¡bo traballo pementeir@s por esas obras de arte tan ben pintadas!!!!
Nótase moito na aula que faltan nenos. Certamente hai máis tempo para atender aos que están, claro, pero a verdade é que se botan de menos e xa temos ganas de estar todos xuntos de novo. A verdade é que a varicela entrou con ímpetu na Pementeira. Espero que todos veñan con moitas ganas de seguir aprendendo e disfrutando xuntos. Desde aquí mandámoslle un bico a Enzo, Marcos, Gabriel, Óscar,Hugo, Yeico, Anrís e Rafiña.
ResponderEliminar