NOVAS DE INFANTIL

    O equipo de infantil inicia un novo proxecto que, esperamos, guste a todas as familias: ¡un periódico!

    Este xornal chamado "Novas de Infantil" terá unha periodicidade trimestral e pretende facer un pequeno resumo das actividades que levamos a cabo no ciclo de infantil durante cada un dos tres trimestres do curso. Esperamos que disfrutedes pasando un par de minutos lendo este xornal relaxadamente e que o gardedes como recordo das experiencias que os vosos fillos e fillas están a vivir no cole. As profes de infantil fixémolo con ilusión, con un interés de permanencia, e con vontade de facer da educación e formación dos máis pequenos unha labor conxunta entre a escola e as familias.
       Cada neno/a levou o seu exemplar pero se queredes velo aquí, no blog, tamén, podedes clicar no logo que aparece a continuación (ou no lateral do blog) e así accededes ao documento en PDF.

   Aproveito esta entrada para mostrarvos unhas fotos das actividades que fixemos o venres na Pementeira. Por unha banda estivemos traballando ca PDI reforzando conceptos de lóxica-matemática e lecto-escritura. E, por outra banda, iniciamos unha nova actividade de arte (pero non vos vou revelar en qué vai consistir; iso verémolo a semana que ven). Con cartulinas de cores, realizamos unhas formas máis ou menos xeométricas, que os pementeiros/as estiveron picando cos punzóns (por certo que o fixeron requetebén). 

Agora queda averiguar que faremos con esas figuras xeométricas...